061. Malo cattaroi püspök okmánya szent Trifon cattaroi főegyháza beszenteléséről. 1166.

Ego Malo Episcopus declaro, quod duodecimo anno mei Episcopatus, cum confratribus nostris Episcopis Lazaro Arbanensis, et cum Martino Drivastensis, et cum Johanne Episcopo Dulciniensis Ecclesiarum, Ecclesiam Sancti Tryphonis nostri Episcopatus, adjunctis Abbatibus, Michaele Abbate Sancti Johannis, et cum Petro Abbate Sanctorum Sergii et Bachi, et Johanne Abbate Sancti Salvatoris Antibarensis, et Petro Abbate Sancti Petri, et Johanne Abbate Sancti Georgii, et Georgio Abbate Sancti Salvatoris Arbanensis (consecravi) cum tribus altaribus, quorum medium sacravi Ego Majo ad honorem Sancti Tryphonis, et Sanctorum Martyrum Primi et Feliciani; aliud altare a sinistro latere sacravit Lazarus Episcopus Arbanensis, ad honorem Beatae Mariae, Sanctorumque Innocentium nostra concessione et voluntate; a dextro videlicet latere sacravit altare Johannes Episcopus Dulcinensis nostra concessione et voluntate ad honorem Sanctorum Apostolorum, et Sanctorum Martyrum Johannis et Pauli. Anno Incarnationis Domini nostri Jesu Christi millesimo C. LXVI. Indictione XIII. tertiodecimo kalendas Julii; in Sede Apostolica residente Papa Alexandro imperante; piissimo et semper triumphatore Hemanuhele, Duce existente Dalmatiae atque Diocliae - - -; qui in eadem dedicatione sua gratuita voluntate et benignitate affuit. Priore Vita existente in Catharo. Petrus Soacinensis Electus interfuit, et Andreas Prior Arbanensis cum et toto populo civitatis.

(Farlati, Illyricum Sacrum VI. köt. 433. l.)