Notum sit omnibus Christi nomen confitentibus, tam presentibus, quam futuris, quod Ego Forcos, filius Poznan, herede carens carnali, predium meum, quod nominatur Selepchen, super aquam Sitouua, pro saluacione anime mee, fratrum meorum, necnon et parentum meorum conferens, dedi monasterio in honore Sancti Benedicti constructo, cum XVI mansionibus libertinorum et terram ad XII aratra, quorum nomina sunt Zombot, Penassa, Michael, Chulches, Malizt, Jezu, Malusa, Herman, Chechen, Pipnac, Kokon cum filio suo Suece, Bosku, Potah, Porusku, Edu, et curiam meam cum pomerio, ad residendum Abbati, cum uenerit. Preterea aliud minus predium Selepchen iuxta eandem aquam Sitouua cum VI mansionibus seruorum, super proprios equos seruiencium, et terram ad quatuor aratra predicto monasterio dedi, scilicet Poruschuna, Nadas, Biba, Dirsa, Puruenig, Vrunda et Colimam, cum seruis aratoribus, uxoribus et infantibus eorumdem supradicto monasterio dedi; et ipsi ita uocantur Waderei, Chiden, Golombos, Petrus, Ymitza, Bocel, Berta, qui nisi fideliter solito modo seruiant, ad quod uult seruicium eos Abbas pertrahat; que predia sub equali meta prope inuicem iuncta sunt; siluam magnam, et nemus cum raultis fenetis, et cumulone habencia inter orientalem et meridionalem plagam. Preterea vnum seruientem meum Deueter nomine tali libertate dotaui, ut quamdiu uxor mea non nupserit, sibi seruiat, taliter et curiam meam predictam cum sex mansionibus libertinorum; et molendinorum, quod predicto sancto obtuli, cum duobus molis, uxor mea, quousque nupserit, habeat. Item predium Edeci supradicto monasterio dedi cum duobus aratris boum et quatuor familias seruorum, scilicet Fetyk, Zerechen, Ysop et Chob, cum fratre suo, Quasik nomine. Predicti vero libertini tali tenore Abbati seruiant, sicut antea mici (így) seruiebant. Scilicet per tres dies segetes metant, et per alios tres fenum colligant et comportent, et quocunque voluerit eos Abbas mittere poterit. Vt autem hec mea testamentalis disposicio rata, stabilisque permaneat, nobilissimus Stephanus Rex Hungarie, Geytse (így) Regis filius ad suplicem peticionem Georgii Comitis Borsiensis pio fauore inclinatus, per Bicenum notarium in presencia suorum nobilium, Ompud Bani, Laurencii Curialia Comitis, Luce Comitis, Ruben Comitis, Fulconis Comitis, Fonsol Comitis, sigillo Regie Maiestatis Sue hanc cartam muniri precepit, Si quis ergo inposterum huius salubris oblacionis datum infringere, aut violare temptauerit, Omnipotentis Dei gracia et Sancti Stephani Regis adiutorio careat, Regieque Maiestatis anathemati subiaceat.

(Knauz Nándor, Magyar Sion II. köt. 36. l.)