P. Dei gratia Aquilegiensis Patriarcha, Ar. Moguntinus, R. Coloniensis, W. Magdeburgensis et H. Bremensis Archiepiscopi, et universi Episcopi et Abbates et viri religiosi in Concilio Papiae congregati; Regibus, Archiepiscopis, Episcopis, Abbatibus, Ducibus, Comitibus, Marchionibus et omnibus Christi fidelibus ad quos litterae istae peruenerint salutem et orationes in Domino. Quia Sedis Apostolicae turbatio Christianorum animos admodum sauciavit, nos qui ad resecanda schismata Papiae fuimus congregati, qualitatem causae modumque negotii et Sacri Concilii statutum Universitati vestrae plenarie duximus intimandum stb. Ut autem omnis actio plenius legentibus elucescat, dignum duximus, ut omnium consensus nostrum et nomina subscribantur. Ego Peregrinus Aquileiensis Patriarcha, cum fratribus suffraganeis interfui et consensi. Ego Arnoldus Moguntinus, Ego Reinaldus Colonensis, Ego Wicmannus Magdeburgensis, Ego Ardwicus Bremensis Archiepiscopi interfuimus et cum omnibus suffraganeis nostris consensiraus. Hellinus Trevirensis Archiepiscopus, Ebrardus Salzburgensis Archiepiscopus, Arelatensis Archiepiscopus, Viennae Archiepiscopus, G. electus Ravennas omnes per legatos suos et litteras suas consenserunt. Rex Hungarorum, Rex Danorum, Rex Bohemiae, per legatos suos et litteras suas consenserunt. Archiepiscopus et Dux Poloniae per legatos et litteras suas consenserunt. Episcopus Ripensis, Episcopus Augustidunensis stb. (40 püspök, de ezek közt egy sem magyarországi vagy dalmatiai.) Est autem numerus Archiepiscoporum et Episcoporum, qui praesentes fuerunt, et qui litteris suis consensum suum praebuerunt, centum quinquaginta tres. Abbatum vero et Archidiaconorum et Praepositorum multorura Regnorum inaestimabilis multitudo interfuit et cum desiderio consensit. Interfuit etiam Dux Saxoniae et Bawariae, Dux Welfo, Dux Zaringiae, Dux Suevorum, Comes Palatinus de Rheno, Palatinus de Saxonia, de Bawaria, et alii Marchiones et Comites, quonun nomina ignorantur.

(Pertz G. H., Monumenta Germaniae Histories, Legum Tomus II. 125-127. ll.)