Almificae Incarnationis Jesu Christi, nostraeque reparationis anno Domini millesimo CXXIX. abeunte. Indictione VI. elabente. Ego M(ichael) Divina favente clementia almae Anastasiae cathedrae praesulante (így), notum facio tam praesentibus, quam remotis, stabile privilegium libertatis Ecclesiae Sanctorum Cosmae et Damiani, quam Ecclesiam post reversionem Romaniae, desolationemque civitatum, Dux Venetiarum mihi concessit habere; qua de re maxima collectio clericorum, ac laicorum unanimes venerunt ad me, ut ego concederem sibi praefatam Ecclesiam, quam Deo illustrante, favorabili voluntate, vel precamine istorum condonavi Abbati Joanni, suisque fratribus ecclesiam M. frui Divinis officiis, pro ablutione suorum facinorum, vel suorum commissorum. Quod si aliquis procax temere hoc meum exaratum corrumpere temptaverit, habeat maledictionem Dei, et trecentorum decem et octo Patrum, nec non et meam - - - ab omnibus bonis in futuro, particeps sit cum Juda proditore. Hujus rei testes Micha, Cotona, Michade Starecca, Michael de Panza, Cuzilla, Domazza. Egu Madius Unula Sancti Michaelis hanc scedulam scripsi, et hujus rei testis sum.

(Ugyanott V. köt. 55. l.)