In nomine Christi. Anno ejusdem Incarnationis 1002. (helyesebben 1020.), Indictione tertia, Domino Paullo Archiepiscopo sedem Beati Domnii obtinente, et Priore Domino Praestantio ejusdem Patre.

Ego supradictus Archiepiscopus aeger quidem corpore, valens autem mente animoque, lecto affixus, annisque oppressus, cum mihi nullae facultates, nullaeque pecuniae suppeterent, nemo inventus est, qui mei curam susciperet, praeter Praestantium Priorem (patrem meum), mea sponte, et voluntate in eam deliberationem adductus sum, ut eidem grati animi caussa donarem Ecclesiam illam, quam ad cultum honoremque Sanctae Mariae de Palude exstruxi, hortumque eidem adjunctum cum omnibus arboribus pomiferis; itemque partem agri in eadem palude constituti; ac praeterea fundum Monticalensem, Lauretanum, terram Panisani, terram Galli, terram Sanctae Mariae de Mesabra, nec non et praedia Calbarolae, Torrezziae, et Adrinae. Si quis e consanguineis meis post obitum meum hanc nostram donationem intervertere vel abrogare ausus fuerit, in odium offensionemque praepotentis Dei incurret, trecentorum et duodeviginti Sanctorum Patrum anathemate ferietur, et veluti alter Judas proditor Domini, aeternis apud inferos cruciatibus mancipabitur. Testes fuerunt Dominicus 35Judex, Dabro Presbyter, Joannes Succus, Dabro Gravalona, Fuscus Grigina, et Diaconus Farisanus.

Ego Stephanus Diaconus scripsi, Doimus Caputa testis adfui.

(U. o. III. köt. 117. l.)