226. IV. László király István és Miklós testvéreket a Bakony vidékéről, hű szolgálataikért földekkel adományozza meg. 1290.

Ladizlaus Dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis salutem in omnium saluatore. Ad vninersorum tam presencium, quam futurorum noticiam harum serie uolumus peruenire, quod nos consideratis fidelitatibus et seruiciorum meritis Comitis (St(ephani) et Nicolai fratris eiusdem de Bokon fidelium nostrorum, que nobis in diuersis negociis et expedicionibus Regni nostri fideliter impenderunt et deuote, et specialiter tunc, cum castrum Parastyan nuncupatum expugnare voluissemus, iidem Comes St(ephanus) et Nicolaus frater suus in expugnacione ipsius castri coram oculis nostre Maiestatis fideles et laudabiles exhibuerunt famulatus, vbi dictus Comes St(ephanus) letaliter extitit volneratus; nos, qui ex officio suscepti regiminis metiri debemus merita singulorum et vnicuique iuxta suorum exigenciam meritorum respondere muneribus donatiuis, in recompensacionem tam fidelium seruiciorum prefati Comitis St(ephani) et Nicolai fratris sui, quasdam terras, scilicet scutiferorum nostrorum Nylas vocatam; item terram Ducatus et terram tawarnicorum nostrorum - - nominatam, cum omnibus utilitatibus suis, uineis scilicet ac pertinenciis earundem, dedimus, donauimus ac contulimus eisdem Comiti St(ephano) et Nicolao fratri suo ac per eum eorum heredibus, heredumque suorum successoribus iure perpetuo et irreuocabiliter possidendas, tenendas et habendas, quemadmodum dudum eisdem dinosscimur contulisse. Vt igitur huiusmodi collacio per nos facta robur obtineat perpetue firmitatis, nec ullo unquam tempore per quempiam possit vel debeat retractari, presentes concessimus dupplicis sigilli nostri munimine roboratas. Datum per manus venerabilis patris Gregorii Dei gracia Episcopi Chanadiensis aule nostre Cancellarii, dilecti et fidelis nostri, anno Domini M° CC° nonagesimo; Regni autem nostri anno decimo octauo.

(Eredetie a veszprémi káptalan levéltárában.)