Nos Ladislaus Dei gracia Rex Hungarie significamus universis presencium per tenorem, quod terram Zoich vocatam ville Taxon immediate contiguam, sicut dicitur, a Johanne canifero nostro auferendo, quam idem Johannes a nobis tacita veritate obtinuerat, domine Elisabethe sorori nostre germane duximus restituendam, eo jure et modo, quo antea eidem domine Elisabeth germane sorori nostre dignoscimur contulisse. Vnde volumus, quod nullus judicum, vel alii aliqui, officiales ipsius sororis nostre super fundo ipsius terre audeant molestare. Datum in Orget tercio die octavarum Sancti Michaelis.

(Cornides kéziratai VIII. kötetéből. Czech.)