211. A pozsonyi káptalan bizonyságlevele, hogy Butka, Wothai Ilerus özvegye, Fotka nevű szolgáját szabaddá bocsátotta. 1288.

A. B. C.

Vniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad vniuersorum noticiam tenore presencium uolumus preuenire, quod domina Butka, relicta Ilerus de Wotha, filia Budocha, constituta personaliter coram nobis, quendam seruum suum, nomine Fotka, quem in recompensacionem dotis sue ac rerum paraphernalium iam pridem Nicolaus filius Elye de eadem Wotha tradiderat perpetuo possidendum, super qua quidem tradicione ex nono nostrum priuilegium est confectum, in nostri presencia pro sue anime remedio manumisit et tradidit cum omni posteritate sua perpetue libertati, ita, quod inantea idem Fotka, uel heredes sui aut heredum suorum successores, ad ipsam, uel ad alium aliquem de cognatis suis racione alicuius obnoxietatis neccessitudine non debeant pertinere; obligando se, quod quicunque processu temproum, eundem Fotka, aut heredes suos occasione condicionis pristine, niterentur forsitan molestare, ipsa domina tenebitur eosdem expedire proprijs laboribus et expensis. In cuius rei memoriam presentes concessimus litteras sigilli nostri munimine roboratas. Datum anno Domini M. CC. LXXX. VIII°.

(Hártya. A pecsét hártyazsinegen függ. Pozsonykáptalani országos levéltár. Capsa XIV. Fasc. 23. Nr. 7. Knauz.)