Universis presentes literas inspecturis Capitulum Ecclesie Strigoniensis salutem in Domino sempiternam. Ad universorum noticiam tenore presencium volumos pervenire, quod cum nobiles viri Stephanus et Petrus magistri, fylii magistri Marci de genere Chaak ad nostram presenciam accedentes, duas partes de totali terra Palasth vocata in tres porciones equales divisa, sita in Comitatu Huntensi, sub uno cursu metarum, que olim erat terra castrensium de Hunth et de Bolonduch, et per dominum Belam quartum qondam (így) Regem Hungarie recordacionis felicis, magistro Stephano filio magistri Mathey, patri (? avo) videlicet eorundem filiorum magistri Marci, prout in privilegio ejusdem domini Bele Regis habetur, collata exstiterat et concessa, hanc collacionem domini Bele regis, domino Ladislao Dei gracia tercio, nunc Illustrissimo Rege Hungarie, per suum privilegium confirmante, et post obitum ipsius magistri Stephani, per eundem dominum Regem Ladislaum eadem terra Palasth, ipsis filijs magistri Marci data fuerat et donata, sicut in patentibus literis eiusdem domini Regis Ladislai vidimus contineri, se confessi fuissent de Regia permissione vendidisse et assignasse, partim scilicet nobilibus viris Comiti Petro filio Bors, Petro, Bors et Bowaz filijs suis, et partim Comiti Bogonye, et Magistro Job filijs Joance (így) et Liptou filio Gyurk de Palasth, et eorum posteritatibus successivis, pro octoginta sex marcis et dimidia ac octo ponderibus legalis argenti, ad quarum soluciones eciam termini fuerant in nostris literis pluries assignati; tandem terminis ad soluciones huiusmodi deputatis, ex parte predictorum nobilium de Palasth filijs eiusdem magistri Marci, predicta, quantitas debiti exstitit plenarie persoluta, ad valorem videlicet decem pensarum denariorum Vyennensium argenti pro marca qualibet ponderata. Et sic per assignacionem et vendicionem eorundem filiorum magistri Marci, quemadmodum est premissum, una pars eiusdem terre Palasth tocius, in tres porciones equales partite, et suarum utilitatum, videlicet tributi, loci molendinorum, fenilium et silvarum, nec non aliarum pertinenciarum suarum, eidem Comiti Petro et filijs suis, ac eorum posteritatibus cessit et statuta est in perpetuum possidenda, alia porcione eiusdem terre et premissarum utilitatum ac pertinenciarum suarum eisdem filijs Joance et Gyurkonis ac eorum posteris, ad habendum jure perpetuo devoluta; ita tamen, quod ab omnibus questionibus racione duarum parcium predicte terre Palasth totalis, et utilitatum suarum, ullo unquam tempore suscitatis, prefati filij magistri Marci et eorum filij et posteritates, ipsum Comitem Petrum et filios suos, nec non filios Joance et Gyurkonis et eorum successores expedient suis laboribus et expensis in perpetua tenuta et pacifica possessione duarum parcium dicte terre, et utilitatum, suarum eos indempniter conservando; prout ad hec omnia et singula premissorum irrevocabiliter observanda, se et sous posteros fimiter obligarunt. In cujus rei firmitatem et memoriam sempiternam presentes ad peticionem parcium predictarum nostro sigillo dedimus communitas. Datum per manus discreti viri magistri Cypriani Ecclesie nostre Lectoris, anno Domini M. CC°. LXXX. octavo, decimo quarto kalendas Februarii.

(Hártyán a törött pecsét sárga vörös selymen függ. Lonthói közbírt. levéltár, Caps. A. Fasc. 1. Nr. 3. Közli Rakovszky István úr.)