A B C

Universis Christi fidelibus presentes litteras inspecturis Capitulum Ecclesie Posoniensis salutem in Domino. Ad uniuersorum noticiam tenore presencium uolumus peruenire, quod Johannes Curialis Comes Posoniensis, filius Comitis Petri, coram nobis personaliter constitutus est confessus, quod predictus Comes Petrus pater suus, iam dudum quandam ancillam suam hereditariam Chenk uocatam filiam Endre, simul cum filio suo Laurencio dicto Berze, ob remedium, et salutem anime sue manumisisset in filios filiorum, petiissetque ab eo cum instancia, ut ipse huiusmodi manumissioni liberaliter consentiret. Volens igitur idem Comes Johannes paterne peticioni subieccione condescendere filiali, predictam ancillam Chenk uocatam, simul cum filio suo Laurencio coram nobis, prout pater suus manumiserat et petierat, manumisit, donauit, dedit et contulit eos, tam pro se quam pro patre suo perpetue libertati, ita quod decetero sepedicta Chenk, et filius suus Laurencius antedictus, uel ab eis descendentes, ad ipsos uel ad aliquos de generacione sua nullius obnoxietatis necessitudine debeant petinere, sed tamquam natiue libertatis ac iugenuitatis priuilegio, cum omni posteritate sua perhenpniter fruidebeant et foueri, obligando se, quod quicnnque processu temporum, ipsam Chenk et Laurencium filium suum uel ab eis descendentes, racione condicionis pristine, in iudicio, uel extra iudicium temptauerit propulsare, idem Comes Johannes, et Comes Petrus pater suus tenebuntur eos expedire proprijs laboribus et expensis. Preterea Ipolitus, Petrus et Jacow filij Dominici cognati eiusdem Comitis Johannis, cum eodem Comite Johanne, in nostri presencia personaliter comparentes, huiusmodi manimissioni consensum suum prebuerunt pariter et assensum. In cuius rei memoriam presentes concessimus litteras sigilli nostri munimine roboratas. Datum anno Domini millesimo ducentesimo octuagesimo sexto.

(Hártya. Zöld selymen a pecsét. - Pozsonykáptalani országos levéltár. Capsa XIV. Fasc. 23. Nr. 5. Knauz.)