178. A királyné tárnokmestere, Bobroch helységet, mivel lakosai koholt irományokat mutattak fel, Bogomérnak itéli oda. 1285.

Nos D. Magister Tavarnicorum domine Regine et Comes de Zolum, significamus vniuersis presencium per tenorem, quod cum populi de villa Bobrouch contra Comitem Bogomerium litteras domine Regine super facto terre ipsius Bobrouch coram Comite Laurencio, officiali nostro de Lypto, statuere et exhibere debuissent, adueniente quoque termino ipsarum litterarum exhibicionis, ijdem populi de Bobroch, coram probis viris, quorum nomina in litteris ipsius Comitis Laurencii plenius continentur, litteras quasdam non ueras sed falsidicas exhibuissent, et contra ipsum Comitem Bogomerium omnino remansissent rebus et personis condempnandi, et ipsam terram Bobroch eidem Comiti Bogomerio dimisimus et reliquimus perpetuo possidendam et habendam, et ullo umquam tempore per predictos populos de Brobroch posse repetendam. Datum anno Domini Mş. CCş. LXXXş quinto.

Jegyzet. Eredetie bőrhártya a Hunt-Pázmántól eredett Kubinyi nemzetség levéltárában. Érdy.