Elysabeth Dei gracia Regina Vngarie vniuersis Christi fidelibus presens scriptum inspecturis salutem in Domino sempiternam. Fidelitas et merita subjectorum ad ampliandam Regalem graciam in subditis Celsidutinem Regiam non immerito attrahunt et inuitant, vt hoc exemplo fideles ad inquirende gracie cupiditatem multo forcius accedant. Proinde ad universorum noticiam tam presencium quam futurorum harum serie volumus pervenire; quod cum Stephanus Comes tawarnicorum nostrorum frater Sydo fidelis noster a primeuis puericie sue temporibus domino Stephano quondam Illustri Regi Vngarie pie recordacionis, et Domino Ladislao Regi consorti nostro charissimo, Regno et Corone Regie ac nobis eximie fidelitatis opera, meritoria obsequia et fidelissimos famulatus in diuersis articulis et negociis Regni, maxime et specialiter in conflictu, quem idem dominus noster Rex habuit contra perfidiam Cumanorum ipsum indebite persequencium, eidem domino nostro Regi, prout aliis Baronibus nostris referentibus intelleximus, vsque ad felicem expedicionem tocius negocii sui constanter assistens, committendo se casibus fortune, periculis variis rerum et persone, pro fidelitatis ardore impendisset, sicut laudabiliter et fideliter sic devote. Nos pro hujusmodi et aliis virtutibus cjusdem Comitis Stephani, quas ad presens singillatim exprimere non volumus, quandam terram sanctiferorum nostrorum Thos vocatam in Comitatu Pestiensi existentem cum omnibus utilitatibus suis et pertinenciis vniversis dedimus, donavimus et contulimus eidem, et per eum suis heredibus heredumque suorum successoribus perpetuo et irrevocabiliter possidendam. Mete autem ipsius terre, quemadmodum in priuilegio ejusdem domini nostri Regis comperimus evidenter, hoc ordine distinquuntur. Incipit enim prima meta a parte septentrionali inter terram Prepositi de Sydo Lugos vocatam, et inter terram Thos, et metatim protenditur septem metis veteribus, juxta quas septem novas metas erexerunt, ad quendam montem versus orientem ascendendo ad locum Frigetarka vocatum, qui habetur pro meta in magna via, que vadit versus Pazthuh, vbi terminatur terra Prepositi prenotati; conterminat postmodum ipsa terra Thos terre nobilium de genere Akus; deinde descendendo a parte dextra sunt due arbores thuulfa vocate in una meta antiqua, juxta quam aliam novam erexerunt; hinc versus partem meridionalem descendit Thuulgwelg, et ibi est meta Chepani filii Hiden; deinde ascendit ad Monorofeu, et ibi sunt due mete antique, et alie due noviter erecte; inde ascendit montem, et ibi est una antiqua meta, et alia noua nouiter erecta, et de monte descendit ad magnam viam, que vadit ad Hotuon, ubi est una antiqua meta, et alia noua nouiter erecta a dextra parte Zumoryn, et descendit ad aquam Kalgria, que separat terram dicti Chepani a terra Comitis Stephani supradicti; inde versus partem occidentalem transit dictam aquam ad Futrodfew, et ibi est una antiqua meta, et alia noua nouiter erecta; inde ascendit ad Chamba haraztha, vbi in parte inferiori est una antiqua meta, et alia noua nouiter erecta, et in monte sub una magna arbore sunt due mete, una antiqua, alia nova noviter erecta, et ibi separatur a terra Chepani supradicti et conterminatur terre Stephani et suorum agnatorum Liguet vocate. Et sic mete terre Thos predicte terminantur. Ut igitur hujus nostre donacionis seu collacionis series robus obtineat perpetue firmitatis, nec processu temporum valeat per quempiam in irritum reuocari, presentes concessimus litteras duplicis sigilli nostri munimine roboratas. Datum per manus Magistri Thome Episcopi Waciensis aule nostre Cancellarii, fidelis nostri, anno Domini MşCş octuagesimo quarto.
(Eredetie a leleszi konvent levéltárában.)