146. IV. László király megerősíti, Dénes Peerchi Chepan fia számára, V. István királynak, Peerch nevű birtokra vonatkozó adományát. 1282.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus, quam futuris presens scriptum inspecturis salutem in eo, qui Regibus dat salutem. Justis peticionum desideriis assensum prebere ius invitat et Regalis pietas exortatur. Proinde ad vniuersorum noticiam tenore presencium volumus peruenire, quod Dyonisius filius Chepani de Peerch ad nostram accedens presenciam exhibuit nobis patentes literas domini Stephani patris nostri karissimi Regis felicissime recordacionis, petens cum instancia, vt ipsas ratas habere ac nostro dignaremur priuilegio confirmare. Quarum quidem tenor talis est:

Nos St. Dei gracia Rex Hungarie stb. (következik V. István király adománya, mely olvasható Okmánytárunk III. kötetében 174. l.)

Nos itaque attendentes fidelitates et grata obsequia ac obsequiosa merita ispius Dyonisij fidelis nostri, que semper et ubique locorum in diuersis expedicionibus Regni nostri fideliter exhibuit, et indefesse, et maxime tunc, cum castrum Fynta filii Dauid infidelis nostri Scelench vocatum fecissemus expugnari, idem Dyonisius consuete fidelitatis opus non deserens personam suam fortune casibus submittendo irruens ante alios, nobis cernentibus, graues ictus lapideos in suo corpore in ipsa pugna suscepit. Nos igitur pro tot et tantis meritorijs seruicijs eiusdem Dyonisij, prefatam terram, prout idem pater noster sibi contulerat, cum vtilitatibus suis vniuersis, sub eisdem metis et terminis, in quibus per ipsum Johannem habita esse dinoscitur et possessa, sepedicto Dyonisio et suis heredibus heredumque suorum successoribus dedimus, donauimus atque tradidimus perpetuo et pacifice possidendam. In cuius rei memoriam perpetuamque firmitatem presentes concessimus literas duplicis sigilli nostri munimine roboratas. Datum per manus discreti viri magistri Bartholomei, aule nostre Vice-Cancellarij dilecti et fidelis nostri, anno Domini Mş CCş octuagesimo secundo, quarto Idus Augusti, Regni autem nostri anno decimo.

(Eredetie a nemzeti Muzeum kézirati gyűjteményében.)