A B C D.
Magister L. Prepositus et Capitulum Ecclesie Strigoniensis omnibus Christi fidelibus presentes litteras inspecturis salutem in salutis largitore. Ad vniuersitatis vestre noticiam harum serie volumus peruenire, quod dominus Vincencius Dei gracia Episcopus Nitriensis suas nobis direxit litteras sub hac forma:
Discretis viris et honestis dominis, amicis suis in Christo karissimis L. Preposito et Capitulo Strigoniensi W. miseracione Diuina Episcopus Nitriensis mutuam in Domino caritatem. Nouerit discrecionis vestre amicicia, quod frater Gothhardus de ordine fratrum minorum, nobilis vir de Ludan, presentibus relicta Comitis Chaba fratris dicti fratris Gothardi, Nicolao et Mykou orphanis ejusdem Comitis Chaba a predicta domina generatis, et ipsis consencientibus, proposuit coram nobis, quod totam porcionem suam, quam habebat in villa Prezlen cum omnibus utilitatibus et pertinenciis suis ipsi domine pro quinquaginta marcis in rebus, quas ipsa domina tempore nupciarum suarum dixit fuisse secum delatas, acceptis ab eadem domina, plenarie, ut asserit, vendidisset jure perpetuo et irreuocabiliter possidendam; in aliis vero possessionibus ipsorum tale dixerunt inter se concambium ordinasse, ut possessiones ipsorum orphanorum - - - - possessionibus vero ipsius fratris in Comitatu Nitriensi constitutis, Trepk, Bayuag et Koac vocatis antedictis orphanis Comitis Chaba manentibus perpetuo pacifice et quiete. Et quia nominate partes prescripta uestris priuilegialibus litteris ad robur perpetue firmitatis volunt confirmari; eisdem nostri gracia, cum ad vos accesserint, super premissis uestras litteras conferre velitis.
Nos igitur iuxta continenciam predictarum litterarum domiui W. Episcopi Nitriensis; et quia frater G. de ordine fratrum minorum uiri (így) nobilis de Ludan predictas litteras uestras esse asseruit coram nobis; in huius rei memoriam presentes concessimus litteras sigilli nostri unimine roboratas. Datum per manus discreti uiri magistri Sixti, Lectoris Ecclesie nostre, anno Domini Mş CCş octuagesimo - - mensis Augusti.
(Eredetie a Nemzeti Muzeum kézirati gyűjteményében.)