123. Jakab, János és Endre gróf Jakab fiai 20 márka ezüstön eladják a pozsonyi káptalan előtt Mátyás és Zolad pozsonyi várjobbágyoknak Pozsonyban levő szabad telküket és széplaki szőlejüket. 1279.

Vniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad vniuersorum noticiam tenore presencium volumus peruenire, quod constitutis coram nobis Mathia et Zolad filiis Herchel de Werekne, jobagionibus Castri Posoniensis ab una parte; Jacobo, Johanne et Andrea filiis Comifis Jacobi filii Woynus de Suur, ab altera; iidem Jacobus, Johannes et Andreas predicti sunt confessi, quod fundum curie sue, quem habent in ciuitate Posoniensi, cum cellario et aliis omnibus edificiis super eundem fundum existentibus, et vineam suam desertam sitam inter vineas Ecclesie nostre in montibus ville Zeplok, quam inmediate circumdant a parte utraque due uie, vendidissent eisdem Mathie et Zolad pro viginti marcis finiti (így) argenti perpetuo possidendas, quas quidem viginti marcas finiti argenti perpetuo possidendas, quas quidem viginti marcas finiti argenti asseruerunt coram nobis a predictis Mathia et Zalad se plenarie recepisse; obligantes se, quod quicunque processu temporum eundem fundum curie et vineam antedictam uoluerit in irritum reuocare, ipsi, videlicet Jacobus, Johannes et Andreas supradicti tenebuntur eos expedire proppriis laboribus et expensis. In cuius rei memoriam presentes concessimus litteras sigilli nostri munimine roboratas. Datum in festo Beati Andree Apostoli. Anno Domini millesimo ducentesimo septuagesimo nono.

A B C

(Hártya. A még ép pecsét veresfehér selymen függ. Pozsonykáptalani országos levéltár Capsa XIV. Fasc. 1. Nro. 6. Ezen villa Zeplok [Széplak] alatt a mai pozsonykülvárosi úgynevezett Magyar-utczát [Schöndorffer Gasse] kell érteni. Knauz.)