Nicolaus Epsicopus seruus seruorum Dei venerabilibus fratribus Suffraganeis Ecclesie Strigoniensis salutem et Apostolicam benedictionem. Ad utilem provisionem Strigoniensis Ecclesie, quam etiam totius Regni Ungarie proventura exinde, ut speratur, utilitas exigit, eo propensius pastoralis officii nos cura sollicitat, quo ad ea non solum zelus excitat et conscientia urget instantius, sed illam et instantia sue nobis non ignote necessitatis exposcit. Novimus etenim, quod electionis de dilecto filio Nicolao Preposito Transilvano dudum in eadem Ecclesia celebrate cognitio, per varia subterfugia protracta diutius, utpote felicis recordationis Gregorii Pape X. Nostri predecessoris inchoata temporibus, et usque ad nostra deducta, eandem Ecclesiam diutine vacationis vexavit incomodis, attrivit iniuriis et dispendiis immensis afflixit, propter quod nos huismodi subterfugiis accomodis remediis iuri consonis occurentes, tandem electione ipsa de fratrum nostrorum consilio, iustitia exigente cassata, et postulatione de venerabili fratre nostro ... Vesprimiensi Episcopo in eadem Ecclesia celebrata, non persone vitio, cum etiam cognitum plene de ipsa non fuerit, sed propter alias fecti circumstantias non admissa, ne vacatio prolixior, quam verisimilis dissensio Strigoniensis Capituli et nonnula alia minabantur, graviora eidem Ecclesie ingereret detrimenta, hac vice provisionem ipsius Ecclesie Sedi Apostolice duximus reservandam. Verumtamen ad eam aliquamdiu procedere non sine causa distulimus, ut tempore dato ad informationem recipiendam de persona ipsius Ecclesie honori et oneri congruente, quanto maturius, tanto consultius, tantoque utilius iuxta nostra desideria Ecclesie provideremus eidem. Demum autem personis variis in nostra deliberationis scrutinium introductis, in venerabili fratre Lodomerio Episcopo Waradiensi Strigoniensi Electo deliberationis ipsius exitus conquievit, et considerantes, quod sicut assertione fidedigna recepimus, vir est in consilio providus; in actibus strenuus, virtute pollens et fama, sicque in Waradiensi Ecclesia non solum fideliter, se et utiliter ministravit, ut super pauca fidelis, super multa constitui mereatur, eum a vinculo quo eidem Waradiensi tenebatur Ecclesie, de ipsorum fratrum consilio et Apostolice plenitudine potestatis duximus absolvendum, et ad dictam Strigoniensem transferentes Ecclesiam, propter urgentem necessitatem et evidentem utilitatem ipsius, eum ipsi preficimus in Archiepiscopum et Pastorem, nichilominus ut ad eandem Strigoniensem Ecclesiam libere transeat, sibi licentiam concedentes. Illa sub spe Divine misericordie concepta de sua circumspectione fiducia, quod eum ipsi Strigoniensi Ecclesie sic spiritualiter et temporaliter utilem exhibebit, quod illata sibi per diuturnitatem vacationis dampna, Deo auxiliante, resarciet, deformata sue forme restituet et deperdita instaurabit. Quocirca universitatem vestram monemus, rogamus et hortamur attente, per Apostolica vobis scripta mandantes, quatenus eundem Electum, cum ad vos pervenerit, ilariter admittentes, ac debito prosequentes honore, sibiamquam membra capiti devote obsequi, eiusque salubribus mandatis et monitis efficaciter intendere studeatis: ita quod vobis eidem obsequentibus, ut debetis, et ipso vobis, ut condecet, presidente, in caritate mutua ipsius et vestra Strigoniensis provincia in Domino vigeat, et in ipsius beneplacita salubiter dirigatur. Alioquin sententiam, quam ipse propter hoc rite tulerit in rebelles, ratam habebimas etc. usque observari. Datum Rome apud Sanctum Petrum Idibus Junii. (Pontificatus nostri) anno secundo.
In. e. m. Preposito et Capitulo Strigoniensis Ecclesie.
Ad utilem provisionem etc. instaurabis. Quocirca universitatem vestram monemus, rogamus et hortamur attente, per Apostolica vobis scripta mandantes, quatenus eundem Elektum cum gratia bendictionis nostre ad ipsam Strigoniensem Ecclesiam accedentem admittentes ilariter, et eidem honorificentiam patri spirituali debitam, exhibentes, sibi tamquam Patri et Pastori animarum vestrarum impendatis obedientiam et reverentiam debitam, ac eius salubribus mandatis et monitis efficaciter intendatis: ita quod ipse in vobis devotionis filios, ac vos consequenter in eo partem invenisse benivolum gaudeatis. Alioquin sententiam, quam ipse propter hoc rite tulerit in rebelles, ratam habebimus etc. usque observari.
In e. m. Clero Civitatis et Diocesis etc. Strigoniensis.
Ad utilem provisionem etc. instaurabis. Quocirca universitatem vestram monemus, rogamus etc. observari.
In e. m. Populo Civitatis et Diocesis Strigoniensis.
Ad utilem provisionem etc. instaurabis. Quocirca uniiverstatem vestram monemus, rogamus et hortamur attente, per Apostolica vobis scripta mandantes, quatenus eundem Electum cum gratia benedictionis nostre ad ipsam Strigoniensem Ecclesiam accedentem admittentes ilariter, et eidem honorificentiam patri spirituali debitam exhibentes, sibi ac eius salubribus mandatis et monitis efficaciter intendatis: ita quod ipse in vobis devotionis filios, ac vos consequenter in eo patrem invenisse benevolum gandeatis.
In c. m. Vasallis Ecclesie Strigoniensis.
Ad utilem provisionem etc. instaurabis. Quocirca universitatem vestram monemus, rogamus et hortamur attente, per Apostolica vobis scripta mandantes, quatenus eundem Electum cum benedictionis nostra ad ipsam Strigoniensem ecclesiam accedentem admittentes ilariter, et eidem honorificentiam patri spirituali debitam exhibentes, sibi iuramentum fidelitatis solitum exhibere, ac de iuribus et redditibus sibi et vobis debitis respondere integre studeatis: ita quod ipse in vobis devotionis filios, ac vos consequenter in eo patrem invenisse benevolum gaudeatis. Alioquin sententias sive penas, quas ipse propter hoc rite tulerit et statuerit in rebelles, ratam habebimus etc. usque observari. Datum Rome apud Sanctum Petrum Idibus Junii, (Pontificatus nostri) anno secundo.
(III. Miklós pápa Regestáiból, Theiner id. m. I. k. 338. l.)