Nicolaus Episcopus seruus seruorum Dei venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie ac Polonie, Dalmatie, Croatie, Rame, Servie, Lodomerie, 153Galitie et Cumanie partes, tibi commisso inibi plene legationis officio, pro urgentibus et arduis negotiis destinemus: nos volentes, ut spiritualium largitione munerum incolas illarum et aliarum partium, ad quas te pervenire contigerit, reddas Deo et Apostolice Sedi plus devotos, fraternitati tue presentium auctoritate concedimus, ut quotienscumque te contigerit proponere verbum Dei, consecrare altaria vel ecclesias, aut moniales benedicere, in magnis quoque colloquiis et congregationibus, que occasione predictorum negotiorum tam infra legationis tue fines, quam extra feceris, et in festivitatibus sollempnibus, missarum solempniis et in translationibus sanctorum, centum dies, et si aliquando in premissis, raro tamen magnus casus emerserit, unum annum et sex dies omnibus vere penitentibus et confessis, qui huiusmodi propositioni, consecracioni, benedictioni et missarum solempniis interfuerint, et ad colloquia, congregationes et translationes easdem acceserint reverenter, iniunctis eis penitentiis misericorditer valeas relaxare. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 334. l.)