082. 25) A pápa Fülöpöt provisióinak tekintetében rendkivűli hatalommal felruházza.

Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie 150ac Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio, pro urgentibus et arduis negotiis destinemus; ut in commisses tibi negotiis eo possis prosperari facilius, quo maiori per nos fueris auctoritate munitus, fraternitati tue compellendi quoslibet Prelatos, cuiuscumque preminentie vel dignitatis extiterint, nec non regulares cistercienses, Premonstratenses, Cluniacenses et aliorum ordinum, Magistros quoque, Priores et fratres Sancti Johannis Jerosolimitani, Militie Templi et aliorum quorumcumque Hospitalium sive domorum, et alias ecclesiasticas personas cathedralium et aliarum ecclesiarum sive monasteriorum exemptorum et non exemptorum, per censuram ecclesiasticam ad contribuendum in procurationibus tibi debitis, non obstantibus quibuscumque privilegiis et indulgentiis Apostolicis, per que in hac parte possent quomodolibet se tueri, et de quibus quorumcumque totis tenoribus de verbo ad verbum deberet fieri in nostris litteris mentio specialis, plenam auctoritate presentium concedimus potestatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 333. l.)