Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio, pro urgentibus et arduis negotiis destinemus, in desideriis nostris geritur, ut submotis impedimentis quibuslubet huiusmodi negotia prosperum consequantur effectum; fraternitati tue, ut procurationes tibi debitas, eadem legatione durante, tam in absentia, puam in presentia petere ac recipere libere valeas, contradictores per censuram ecclesiasticam appellatione postposita compescendo, plenam concedimus auctoritate presentium facultatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 333. l.)