069. 12) III. Miklós pápa Fülöp püspököt egyházi kiközösítések elrendelésére meghatalmazza.

Nicolaus Episcopus seruus seruorum Dei venerabili fratri Philippo Episcopo Firmano Apostolice Sedis Legato salutem, et Apostolicam benedictionem. Prosperum statum carissimi in Chisto filii nostri ... Regis Ungarie illustris, ac aliorum, personarum ecclesiasticarum et secularium illarum partium plenis desideriis affectantes, te, de cuius industria et circumspectione plene confidimus, ad Regnum Ungarie tibi commisso inibi et Polonie, Dalmatie, Croatie, Rame, Servie, Lodomerie, Galicie, et Cumanie partibus plene legationis officio, tamquam pacis angelum de fratrum nostrorum consilio duximus destinandum. Ut autem in commisso tibi huiusmodi officio, Deo propitio, valeas prosperari, exercendi libere per te vel per alium seu alios censuram ecclesiasticam, in venerabiles fratres nostros Archiepiscopos et Episcopos, ac in dilectos filios Cathedralium et aliarum ecclesiasticarum domorum et monasteriorum, tam exemptorum, quam non exemptorum, Prelatos et Clericos, Conventus et Capitula, necnon Reges, Comites et Barones, et Nobiles, Potestates, Rectores, Ballivos, Consilia, Communia, Universitates et populos locorum illarum partium, et quascumque personas ecclesiasticas et seculares, publicas et privatas, cuiuscumque ordinis, conditionis vel dignitatis existant, et terras eorum legationis eiusdem, cum vederis expedire, non obstantibus aliquibus privilegiis vel indulgentiis quibuscumque personis, locis vel ordinibus sub quavis verborum forma ab Apostolica Sede concessis, de quibus quorumque tenoribus plenam et expressam, ac de verbo ad verbum oporteat in nostris litteris fieri mentionem et etiam condedendis, per que effectus presentium quomodolibet valeat impediri, fraternitati tue liberam concedimus auctoritate 139presentium facultatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 331. l.)