054. IV. László király Mezőtarcsa nevű földre vonatkozó adománya Móricz és Endre grófok számára. 1278.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex onmibus Christi fidelibus presentes litteras inspecturis salatem in Domino sempiternam. Ad vniuersorum noticiam harum serie volumus peruenire: Quod Mauricius et Andreas Comites officiales venerabilis patris Lodomerij Episcopi Varadiensis ad nostram accedentes presenciam nobis exposuerunt conquerendo, quod cum ipsi quandam terram Mezeutarcha vocatam ex collacione Serenissimi Regis domini Stephani, karissimi patris nostri inclite recordacionis, et nostra aliquamdiu possedissent, eandem postmodum Gregen filius Pauli occupando uiolenter ab eis abstulisset; pecierunt igitur iidem Mauricius et Andreas Comites a nobis cum instancia, ut eis dictam terram ipsorum reddere et restituere de Magnificencia Regia dignaremur. Nos igitur iustia eorumdem precibus fauorabiliter inclinati, attendentes maxime, quod eundem Gregen propter ipsius notoria nocumenta et excessus manifestos ultimo suplicio decreuimus ulcisscendum, fidelibus nostris Preposito et Conuentui ordinis Premonstratensium de promontorio Waradiensi dedimus in mandatis, vt cum Iwanka filio Marcelli vnum ex ipsis transmitterent fidedignum, coram quo dietam terram eisdem Ma(u)ricio et Andree Comitibus restituat, citatis nichilominus contradictoribus 99si qui fierent ad nostram presenciam ad terminum competentem. Iidem itaque Prepositus et Conuentus nobis rescripserunt, quod prefatus Iwanka homo noster sub eiusdem Conuentus testimonio dictam terram Mezeutarcha conuocatis et presentibus omnibus commetaneis et vicinis restituisset et assignasset eisdem Mauricio et Andree Comitibus nullo penitus contradictore existente. Nos igitur consideratis eorundem Mauricii et Andree Comitum seruiciis meritoriis, que nobis cum omni fidelitate laudabiliter in diuersis expedicionibus nostris impenderunt, memoratam terram Mezeutarcha uocatam cum omnibus pertinenciis et utilitatibus suis vniuersis, sub metis ueteribus et antiquis contulimus, dedimus et donauimus ipsis Mauricio et Andree Comitibus ac eorum heredibus, ymmo collacionem eisdem dudum factam confirmauimus perpetuo valiture donacionis titulo possidendam. In cuins rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus venerabilis viri magistri Nicolai Albensis Ecclesie Electi, aule nostre Vice-Cancellarii, dilecti et fidelis nostri, anno Domini M° CC° LXX° octauo, Regni autem nostri anno septimo.

(Eredetie t. cz. Almásy Diénes ajdndékának folytán a magyar akademia kézirati gyüjteményében.)