Omnibus Christi fidelibus tam presentibus, quam futuris, presens scriptum inspecturis Capitulum Ecclesie Agriensis salutem in omnium Salvatore. Ad uniuersorum noticiam tenore presencium volumus peruenire, quod Comite Petro, filio Nycolai filii Detrici de Cherne, ac Demetrio fratre ejusdem ab una parte, Comite Pous filio Comitis Marcha ex altera coram nobis personaliter constitutis, per prefatos Petrum, et Demetrium propositum exstitit, quod quandam terram ipsorum hereditariam Redemech, alio nomine Wyl vocatam, Nicolao, Egidio, Stephano, et Dominico filiis ipsius Comitis Pous, a domina sorore ipsorum procreatis, et procreandis, ipsis, et ipsorum heredibus, heredumque suorum successoribus cum onmibus vtilitatibus, et pertinenciis suis, a nemine consanguineorum suorum aliquatenus repetendam, dedissent, et contulissent, et coram nobis contulerunt sub eisdem metis, et terminis, quibus pater ipsorum et iidem obtinuerunt, perpetuo iure possidendam. In cujus rei testimonium ad instanciam predictorum, presentes contulimus sigilli nostri munimine roboratas; presentibus tunc Farkas Cantore, Thoma Lectore, Myko Custode, Marco de Pata, Ladislao de Zeuleu, Anthonio de Nouo Castro, Urbano de Zobolch, Petro de Vng, 92Paulo de Bursua, Archidiaconis, et aliis multis. Anno Domini millesimo ducentesimo septuagesimo septimo. Regnante Ladislao Illustri Rege Vngarie, Strigoniensi Sede vacante, Stephano Colocensi Archiepiscopo, patre Andrea Episcopo Agriensi existentibus.

(Eredetie a szepesi káptalan levéltárában. Hatvani Mihály.)