Ladislaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis salutem in vero salutari. Ad uniuersorum tam presencium quam futurorum noticiam harum serie uolumus peruenire, quod considerantes fidelitates et meritoria obsequia Pauli, Thome, Omb et Feney filiorum Jacobi de uilla Inarch, jobagionum uidelicet castri Albensis, in Comitatu Pestiensi existencium, que et quas ijdem domino Stephano patri nostro, uictoriosissimo Regi Vngarie felicissime recordacionis, et postmodum uobis tam in Regni nostri expedicionibus, quani in alijs agendis nostris fideliter inpenderunt, adeo plene, ut meritoria seruicia sua, iuste et condigne remuneracionem Regiam postularent, eosdem, cum omnibus terris ipsorum, quas in jobagionatu dicti castri existentes, sine alieni iuris preiudicio pacifice possederunt, a jobagionatu dicti castri p(ure) et sincere eximentes, in cetum et numerum seruiencium nostrorum Regalium duximus transferendos; volentes et instituentes, ut 50decetero non inter jobagiones castri, sed inter seruientes Regales computentur, exercituantes sub nostro vexillo more nobilium eorundem. Vt igitur huius nostre translacionis series robur optineat, perpetue firmitatis, nec per quempiam ualeat in irritum reuocari, presentes eisdem Paulo, Thome, Omb, et Feney concessimus litteras duplis sigilli nostri munimine roboratas. Datum per manus magistri Benedicti, venerabilis uiri, Sancte Strigoniensis Ecclesie Electi, aule Regie Vice-Cancellarij, et Prepositi Bndensis, dilecti et fidelis nostri, anno Domini M° CC° septuagesimo quinto, Regni autem nostri anno tercio. Venerabilibus patribus, Stephano Colochensi et Johanne Spalatensi Archiepiscopis, Philippo Vachiensi, aule domine Regine karissime consortis nostre Cancellario, Thymotheo Zagrabiensi, Dionisio Jauriensi, Job Quinqueecclesiensi, Lodomerio Varadiensi, Andrea Agriensi, et Petro Transsiluano Episcopis; Ecclesias Dei feliciter gubernantibus; Nicolao Palatino Judice Cumanorum, Johanne Bano tocius Sclauonie, Joachino Magistro Tauarnicorum nostrorum, Dionisio Magistro Tauarnicorum domine Regine, Comite Zaladiensi, Matheo Voiouoda Transiluano Comite de Zonuk, Nicolao Voiouoda Judice Curie nostre, Paulo Bano de Zeurino, Lorando Comite Castri Ferrei, Michaele Comite Nitriensi, et alijs quampluribus Comitatus Regni tenentibus et honores.

Jegyzet. Eredetie bőrhártyán, kiváltságlevél-alakban, mely van Nagy-Kőrösön az Inárcsi Farkas testvérek levéltárában. Veres és zöld selyemről függő kettős királyi pecsétje elveszett. Találtatik ott IV. László királynak egy másik ugyanazon tartalmú, de nyilt formában kiadott okmánya is, melly a fenebbivel szóról szóra megegyez. Szabó Károly.