018. IV. László az okoli nemeseknek, a Henrik bán pozsonyi gróf által jogtalanul lefoglalt Sintperg es Csürle birtokokat hadi erényeik miatt visszaadja. 1274.

Ladizlaus Dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanie, Bulgarieque Rex vniuersis Christi fidelibus presens scriptum inspecturis salutem in Domino sempiternam. Ad vniuersorum noticiam tenore presencium volumus peruenire, quod Johannes, Petrus et Paulus filij Benedicti; item Stephanus et Nicolaus filij Racha (Rechee), nobiles de Okoly de Comitatu Posoniensi ad nostram accedentes presenciam nobis retulerunt conquerendo, quod Herricus (Henrikus mindannyiszor) Banus existens Comes Posoniensis; tempore domini Bele, Incliti Regis Hungarie, karissimi aui nostri beate memorie, quasdam possessiones ipsorum hereditarias Deda, Stephani, Petri et Pauli filiorum Petri, ac Egidij filij Walk cognati eorum, Simperg et Churle vocatas in Comitatu Posoniensi existentes, cum tributo vini et omnibus vtilitatibus ac pertinencijs suis, racione cuiusdam Mathie cognati ipsorum, qui in duello succubuerat, potencialiter et contra iusticiam occupasset et detinuisset indebite occupatam; quas karissimus pater noster (Stephanus), Illustris Rex Hungarie felicis recordacionis, eo tempore, quo idem Herricus Banus infidelitatem committens se extra Regnum transtulerat, restituisset eisdem; demum nobis Regni gubernacula adeptis, eodem Herrico Bano ad nostram graciam recepto, ipsas possessiones dictus Herricus Banus detinuisset violenter vsque modo; petentes a nobis vt humiliter, sic deuote, vt nos dictas possessiones eis restitui facere Regia liberalitate dignaremur. Nos itaque ipsorum iustis precibus inclinati; quia comperimus et didicimus a multis nobilibus Regni nostri, ipsas possessiones eorum esse hereditarias, et per Herricum Banum indebite occupatas; attendentes eciam fidelitates et meritoria obsequia Johannis, et Petri fratris eiusdem, que in diuersis Regni nostri expedicionibus tempore karissimi patris nostri et nostro laudabiliter impenderunt; primo et principaliter iuxta fluuium Rabucha (Rabcha); quando Rex Boemorum fines Regni nostri uastaturus intrauerat, idem Johannes fortune casibus se committens, contra aduersam aciem se opponere non expauit, vbi uulnus accepit laudabiliter dimicando; item sub castro Zumboth, vbi dictus Johannes et fratres sui nouem homines occiderunt; item iuxta Morauiam, vbi dictus Petrus uulnus incurrit non optatum; et sub castro Loa, vbi prefatus Petrus quendam militem lancea deiecit; ac sub castro Detreh (Detreih) viriliter preliando victoriam laudabilem reportarunt; dictas possessiones Simperg et Churle auferendo a prefato Herrico Bano, qui ablato fratre nostro Duce Andrea et infidelitatem committendo se transtulit ultra Drawam, eisdem Johanni, Petro, Paulo, Stephano et Nicolao, ac eorum heredibus, heredumque successoribus dedimus, contulimus, tradidimus, restituimus et resignari fecimus, cum omnibus vtilitatibus, pertinencijs, circumstancijs, appendicijs; tributo videlicet vini, siluis, virgulto, (tributo),ac alijs quoquo nomine censeantur iure perpetuo pacifice et irreuocabiliter possidendas. Ut igitur huius nostre collacionis, seu restitucionis series robur optineat perpetue firmitatis, nec possit vllo unquam tempore per quempiam in irritum retractari, presentes concessimus litteras duplicis sigilli nostri munimine roboratas. Datum per manus venerabilis viri magistri Benedicti, Sancte Strigoniensis Ecclesie Electi, eiusdemque loci Comitis perpetui, Prepositi Budensis, aule nostre Vice Cancellarij, dilecti et fidelis nostri, anno Domini M° CC° LXX° quarto, Regni autem nostri anno tercio. Venerabilibus Patribus Johanne Spalatensi, et Stephano Colochensi (Colocensi) Archiepiscopis, Lamperto Agriensi, Briccio Chenadensi, Job Quinqueecclesiensi, Paulo Wespremiensi, aule nostre Cancellario, Philippo Waciensi, aule domiae Regine karissime consortis nostre Cancellario, Lodomerio Waradiensi, Tymotheo Zagrabiensi, Dionisio Jauriensi et Petro Transiluano Episcopis Ecclesias Dei feliciter gubernantibus. Dionisio Palatino, Comite de Oklich et Judice Cumanorum; Herrieo Bano tocius Sclauonie; Matheo Wayauada Transsiluauo Comite de Zounuk; Egidio Magistro Tauarnicorum nostrorum, Erne (Erney) Bauo Judice Curie nostre; Moys Magistro Tauarnicorum domine Regine, karissime consortis nostre, Comite Simigiensi; Herbordo Magistro Dapiferorum nostrorum Comite de Barana; Vgrino Bano de Zeurino; Petro Magistro Agasonum nostrorum Comite Zulga-Jauriensi; Nicolao Magistro Pincernarum nostrorum, Comite Musuniensi; et alijs quam pluribus Comitatus Regni nostri tenentibus et honores.

Jegyzet. Hártyán szépen írva. A veres selymen függö kettős pecsétnek csak fele van meg. Rajza látható Práynál, de Sigil. Tab. VI. Fig. 4. azon eltéréssel, hogy ott a trónon ülő király kiterjesztett bal kezében tartja az arany almát, míg ez előttem fekvő pecséten keblére tartja. A zárjel közti eltérések egy más számban levő átiratból vétettek. Pozsonykáptalani országos levéltár. Capsa VII. Fasc. 1. Nr. 1 Knaus Nándor.