016. IV. László király levele arról, hogy Sándor bán, szebeni és dobokai főispán, Pertaltelke nevezetű földet, melyet Miklóstól Ecse fijától pénzért vett s régóta békében birt, ugyanannak, minthogy testvérei ez eladásért háborgatták, Vajk és Moloncsa nevű

Nos Ladislaus Dei gracia Rex Huugarie harum serie memorie commendantes declaramus vniuersis, quod Alexander Banus, Comes de Scijbinyo et de Doboka, dilectus et fidelis noster, ab una parte, Nicolaus filius Eche ab altera coram nobis personaliter comparendo, de propria et communi voluntate, et ex nostra permissione, inter se huiusmodi concambium dixerunt ordinasse; quod terram Pertaltelyky vocatam, quam memoratus Nicolaus de hereditaria sua terra, et fratrum suorum, prefato Alexandro Bano super cuiusdam sumpma pecunie vendiderat, quam eciam idem Alexander Banus a longo tempore pacifice cum omnibus suis vtilitatibus possederat, super qua ipsum Nicolaum fratres sui infe stabant, vt omnis infestacio et sedicionis materia a fratribus vterinis radiciter sopiatur, idem Alexander Banus predictam terram reddidit et restituit pro perpetue pacis vnione eidem Nicolao cum omnibus suis instrumentis;quibus eandem per modum empcionis possidebat, in concambium terrarum Woyk et Moluncha vocatarum, quarum vnam titulo empcionis, alteram vero donacionis presidio predictus Nicolaus optinebat, similiter cum omnibus suis munimentis contulit Alexandro Bano prefato in concambium terre memorate, ad maiorem vero cautelam Mykou et Eche filij Eche coram nobis personaliter constituti huic ordinacioni seu concambio consensum prebuerunt et assensum; ita quod a modo vllis vnquam temporibus super hujusmodi habito concambio mouere valerent materiam questionis. Datum in Zolum in octauis Sancti Regis, anno Domini millesimo CC-o LXX-o quarto.

(I. Lajos király 1335.diki átiratából, melynek eredetije a b. Wesselényi család levéltárában van. Szabó Károly.)

c