Ladislaus Dei gracia Hungarie, Dalmacie, Croacie, Rame, Servie, Gallicie, Lodomerie, Cumanie, Bulgarieque Rex omnibus Christi fidelibus presencium noticiam habituris salutem in omnium Salvatore. (Cum ab.) exordio rerum humane condicionis libertatis omnium una eademque fuerat condicio, Divina permittit pietas et idipsum Regia debet annuere benignitas, ut pro quibus propria, vel aliorum merita - - - ad pristinum libertatis (statum) restituendi fore censeantur. Proinde ad universorum noticiam tam(presencium) quam posterorum harum serie uolumus peruenire: quod cum Leustachyus, Petryk, Petryzlow, Martinus, - - Buhte, filij Atrachyk de filijs jobagionum Gumurien - - - oriundi a primeuis juventutis eorum temporibus, in diuersis expedicionibus Regni - - karissimi patris nostri Stephani Illustris Regis pie memorie, quam nostris temporibus multiplicia gene - fidelium seruiciorum, et graciosa obsequia laudabiliter impenderint, ac deuote; ijdem specialiter, cum in Moraviam contra Regem Bohemie nostrum exercitum misissemus, cum sumpna fidelitate in - - is Regis Bohemie ualidas deuastationes, et uarias commiserunt, ibidemque sub Castro Loaa - to, prefati Leustachyus, Petryzlow, et Buhte, ac Nemyl studium sollite fidelitatis imitantes, uulneribus exti terunt letolibus sauciati, contra hostium cuneos intrepide dimicando; et licet prescripta obsequiosa merita, ei meritoria obsequia Corone Regie fideliter impensa presentibus introseri debuissent, tamen ad presens propter uicium prolixitatis euitacdum recitari ordine prom - - inier multiplicia seruicia prefatorum filiorum Atrachyk, per que ijdem coram Regie Maiestatis ob - - - fuerant commendandi, et gracia Maiestatis Regie extellendi nostre mansvetudinis oculis - - - recensentes, ut eorum exemplo reliquos ad fidelitatis opera exercenda deuote incitemus, prenominatos filios Atrachyk, et per eos propinquos eorum cognatos, Stephanum uidelicet, (et) Thomam filios Kurpaas, Chepanum, et Poukam filios Tyba, Bogyna filium Woyzlow, et Albertum filium Machyk, ac heredes ipsorum, heredumque suorum successores, de memorata condicione eorum pure, et simpliciter eximentes; cum hereditaria terra eorum, in numerum, cetum, et consorcium nostrorum seruencium Regalium, de plenitudine nostre gracie duximus transferendos; nolentes, ut de cetero de pristine condicionis eorum honere exemti eadem perfruantur libertate, qua ceteri nostri Regni nobiles gratulantur. Ceterum quandam terram ipsius Castri Gumuriensis Harkach uocatam, quam idem karissimus pater noster prefatis filiis Atrachyk, et filijs Kurpas pro seruicijs eorum iuxta continenciam patencium litterarum suarum contulit, eisdem filiis Atrachyk, et Kurpas rcliquimus, donauimus, et contulimus perpetuo possidendam. In cuius rei memoriam, firmitatemque perpetuam presentes concessimus litteras dupplicis sigilli nostri munimine roboratas. Datum per manus Magistri Benedicti Budensis Ecclesie Prepositi, aule nostre Vice-Cancellarii, dilecti et fidelis nostri, anno Domini 1274. Indictione secunda, pridie kalendas Februarij, Regni autem nostri anno secuudo. Metropolitica Strigoniensis Ecclesie Sede uacante. Venerabilibus patribus - Colocensi, et Johanne Spalatensi Archiepiscopis; Lamperto Agriensi, Job Quinqueecclesiensi, Briccio Chanadiensi, Philippo Waciensi, aule domine Regine Cancellario, et Paulo Wesprimiensi, aule nostre Cancellario, Lodomerio Waradiensi, Thimotheo Zagrabiensi, Dionysio Jauriensi, et Petro Transsiluano, Episcopis Ecclesias Dei feliciter gubernantibus. Dyonisio Palatino, Comite de Oklych et Judice Cumanorum, Henrico Bano totius Sclavonie; Nicolao Judice Curie nostre. Comite de Gechke; Juachino Magistro Tawarnicorum nostrorum, Comite de Pilis; Nicolao Wayvoda Transsiluano, Comite de Zonuk; Paulo Bano de Scepus (? Sceurino); Renoldo Dapiferorum nostrorum, Comite Zulgageuriensi; Moys Comite Simigiensi; Dedalo Comite Zaladiensi, et Johanne, Comite Supruniensi; et alijs quam pluribus Comitatus, et honores Regni tenentibus.
(Közli Hatvani Mihály.)