167. Erzsébet, királyné Guna nevü szakácsát és testvéreit nemességre emeli. 1272.

(E)lisabeth Dei gracia Regina Hungarie vniuersis Sancte Matris Ecclesie filijs, presencium noticiam habituris, salutem iu uero Saluatore. Circumspecta Reginalis benignitatis prouidencia metiri debet merita singulorum, et singulis secundum exigenciam meritorum respondere, vt dum hij, quorum seruicia per experienciam fidelitatis patent manifesta, prospexerint se fecundos, de uirtute crescere studeant in uirtutem, et alij eorum exenaplo prouocati, ad fidelitatis opera inuitentur. Proinde vniuersoram presencium futurorumque noticie uolumus fieri manifestum, qwd cum Guna filius Gyuga, cocus noster de villa Kuiked, a primeuis iuuentutis sue floribus in domo nostre Celsitudinis educatus, in prosperis et aduersis, et maxime tempore persecucionis nostre, quo dominus Bela Rex, et domina Maria socrus nostra bone memorie, contra dominum nostrunt Stephanum Regem, et contra nos insurgere, et nos expugnare nitebantur, in obsidione castri Potok, varijs se periculorum generibus exponens, deuote fidelitatis obsequium nobis exhibuerit indefesse; volentes eidem condiguo retribucionis stipendio respondere, ipsum, ac fratres suos vteriuos, Noboy uidelicet, Chaba; et Bolosey; de villa Kulked supradicta, simul cum terra eos contingente, de condicione cocorum nostrorum eximentes, in numerum et libertatem seruiencium Regalium, de uoluntate, conniuencia et consensu domini nostri Regis, duximus transferendos. Volentes, ut ijdem, et eorum heredes, sev directa generacionis linea deacendentes ab eisdem eadem libertate perpetuo et inreuocabiliter gaudeant, qua ceteri Regui nostri nobiles gaudere dinoscuntur. In cuius rei memoriam, firmitatemque perpetuam, ne processu temporum possint per quempiam super premissa libertate maligna cauillacione impediri; presentes eisdem 276coucessimus litteras, duplicis sigilli nostri munimine roboratas. Datum per manus magistri Nicolai, Prepositi Transiluani, aule nostre ViceCancellarij, fidelis nostri, anno Domini millesimo ducentesimo septuagesimo secundo.

Jegyzet. Bőrhártyáról másolta Horvát István. A királyné kettős pecséte kék, vörös és zöld sodrott selyemről függött. Érdy.