131. IV. Béla király Fülöp esztergami érseket Kér nevű földdel, mely a nyitrai várhoz tartozott, adományozza meg. 1269.

Bela Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus Christi fidelibus tam presentibus quam futuris salutem in salutis largitore. Ad vniuersorum noticiam tenore presencium volumus peruenire, quod nos recensentes meritoria obsequia et obsequiosa merita venerabilis patris Philippi Archiepiscopi Strigoniensis aule nostre Cancellarii, dilecti et fidelis nostri, que nobis et Regno nostro in diuersis nostris et Regni nostri negociis fideliter et laudabiliter in omnibus studuit exhibere, propter que volentes eidem occurrere Regio cum fauore, ad ipsius instanciam et peticionem quandam terram castri Nitriensis Keer vocatam iuxta fluuium Nitra sitam cum suis vtilitatibus sub metis infrascriptis dedimus, donauimus et contulimus ex Regia munificencia predicto venerabili patri Archiepiscopo perpetue donacionis titulo possidendam; eandem sibi per dilectum et fidelem nostrum Chak Banum, Comitem Nitriensem assignari facientes. Mete autem ipsius terre, prout in litteris eiusdem Chak Bani vidimus contineri, hoc ordine distinguuntur: Prima meta incipit iuxta fluuium Nitra sita a parte orientali iuxta villam Abbatis scilicet (de) Zubur Keer vocatam; et inde vergit ad partem meridionalem, et peruenit vsque ad villas domini Regis et domine Regine Kesu vocatas, inter quas sunt noue mete iuxta veteres metas numero nouem; deinde tendit et peruenit ad partes septemtrionales, iuxta terram Teryan vocatam ab vna parte, et Keer ab altera sunt tres noue mete erecte similiter inxta veteres metas; item exinde ascendit iterum, et peruenit ad terram nobilium Berench nuncupatam, et iuxta terram ipsam per tres metas progrediendo et descendendo iuxta fluuium Nitra antedictum sunt tres mete singulariter erecte; et ibi terminantur. 201Vt igitur huiusmodi nostre donaciouis, seu collacionis series robur obtineat perpetue firmitatis, nec per quempiam lapsu temporum in irritum valeat reuocari, presentes eidem venerabili patri concessimus litteras duplicis sigilli nostri munimine roboratas. Datum per manus magistri Demetrij Prepositi Albensis aule nostre Vice-Cancellarij dilecti et fidelis nostri, anno Domini M° CC° sexagesimo nono, Regni autem nostri anno tricesimo quarto.

(Hevenesi kézirati gyüjteményének, mely a pesti egyetem könyvtárában találtatik, LXI. kötetében 431. l.)