124. Lőrincz nádor és somogyi főispán bírótársaival a királyné szabadosai által elfoglalt Bard nevű földet előbbi birtokosainak visszaadja. 1268.

Laurencius Palatinus et Comes Symigiensis vniuersis Christi fidelibus presencium noticiam habituris salutem in Domino. Ad universitatis uestre noticiam tenore presencium uolumus peruenire, quod cum nos dominus noster Rex Illustris Bela Rex Hungarie ad reuocandas terras ac alia iura nobilium per vduornicos, castrenses et populos domine Regine ac alios cuiuslibet condicionis homines occupata ad Comitatum Symigiensem transmisisset; et quinque homines de nobilibus ipsius Comitatus electos per omnes nobiles de eodem Comitatu, Johannem scilicet Comitem filium Yayp, Cosmam de Kuazna, Stephanum filium Dios, Gregorium filium Iharus, et Thomam filium Mortunus de Vislov nobis in socios deputasset, et ijdem quinque nobiles socij nostri iureiurando tacto Sacrosancto et uiuifice Crucis ligno Domini, domino Regi promisissent, quod non aliud, nisi iura nobilium indebite per condicionarios occupata restituerent, et eciam secundaris nobis tactis sacrosanctis reliquiis et Euangelio supra filios filiorum suorum iurassent illud idem, recepta tali caucione processisemus ad preceptum domini supra dictum; Ipolitus Comes, Vgra, Nicholaus, Valens, et Ipolitus, filij eiuadem Ipoliti Comitis, nobiles de Elya per Boda jobagionem uduornicorum de Villa Bard, quandam terram suam hereditariam Bard vocatam, receptam et uiolenter occupatam esse dicebant coram nobis, et coram coniudicibus nostris predictis, et per formam inquisicionis petiuerunt sibi reddi. Verum cum nos ad ipsam inquisicionem processissemus, sciuimus veraciter, dictam terram fuisse de iure hereditario nobilium de Elya predictorum. Ad maiorem tamen cautelam ipsos nobiles de Elya super predicta terra personaliter constitutos ad 191personas suas et ad filios filiorum suorum jurare fecimus orribili iuramento super eo, quod illa terra, quam reambularunt, fuerit ipsorum hereditaria, et per dictum jobagionem vduornicorum indebite occupata. Cum itaque diligentissima inquisicione facta, et recepta iuratoria caucione, ut prediximus, inuenimus, dictam terram esse iure hereditario nobilium de Elya predictorum, eandem ipsis nobilibus excluso ipso jobagione vduornieorum de eadem restituimus hereditario jure perpetuo possidendam, et metas, sub quibus ijdem nobiles ipsam terram possidere debeant, fecimus eleuari. Mete autem hoc ordine distinguuntur: Prima meta incipit a parte meridionali iuxta aquam Barduuelg, ubi sunt due mete ex utraque parte aque; deinde vadit ad septemtrionem ad unam vallem Kutsov vocatam, ubi sunt due mete; deinde vadit ad caput ipsius Kutsov, ubi sunt due mete, et ibi separatur a terra castrensium de Bard; de inde eundo semper versus septemtrionem vadit ad duas veteres metas ad unam viam, ubi sunt tres mete angulares, et ibi separatur de terra ciuitatis Symigiensis; deinde in ipsa via flectitur versus occidentem usque ad magnam viam, ubi est meta antiqua; de inde de ipsa magna vla declinat ad unam viam, que ducit versus occidentem ad locum, qui dicitur horhfw, vbi sunt due mete; deinde descendendo in capite ipsius horhfw uersus occidentem vadit ad unam viam, ubi sunt due mete; de iude vadit nersus occidentem usque dum cadit in aquam Hydus, ubi sunt due mete in arboribus; de inde in ipsa aqua Hydus, uadit uersus meridiem, et ibi exit ad caput unins berch, ub sunt due mete, et ibi separatur de terra ville Virtus; de inde asscendit ad unam antiquam metam, et ibi sunt due doue mete; de inde uadit uersus meridiem ad duas veteres metas et ibi sunt due doue mete; de inde vadit ad locum Werti s hurh uocatum, ubi sunt due mete; de inde vadit uersus orientem ad caput unius vallis, ubi sunt due mete, et ibi separatur de terra vduornicorum de Bard; de inde haduc (így) uadit versus orientem in campo, ubi sunt due mete; de inde uadit ad caput unius vallis, ubi sunt due mete in arboribus piri; deinde vadit versus orientem, et cadit in aquam Hidus, ubi sunt due mete in arboribus, piro et pomo; de inde exiens de aqua Hydus vadit usque ad illum locum, ubi una aqua, 192que venit de ponte Dumbul cadit in aquam Hydua, et ibi sunt due mete; de inde in eadem aqua vadit superius, usque dum cadit ad priorem metam, et ibi separatur de terra castrensium de Bard, et de terra vduornicorum de Bard, et sic terminantur. In cuius rei memoriam et perpetuam firmitatem presentes concesssimus literas sigilli nostri et sigillorum sociorum nostrorum munimine roboratas. Datum per manus magistri Sebastiani Cantoris de Posoga et Canonicy Albensis, Protonotarii nostri. Anno Domini millesimo ducentesimo sexagesimo octauo.

(Eredetie bőrhártyán, melyről hat pecsét függöt, a nemzeti muzeum kézirattárában.)