Urbanus Episcopus etc. carissime in Christo filie Marie Illustri Regine Ungarie salutem etc. Justa desideria tue Celsitudinis, que per Dei gratiam vigilanter insistere dicitur operibus pietatis, auditu benigno suscipere et promptis delectamur affectibus adimplere. Sane tua et carissimi in Christo filii nostri B(ele) Illustris Regis Ungarie, viri tui, petitio nobis exhibita continebat: Quod cum idem Rex et tu ac multi nobiles Regni Ungarie propter timorem de Tartarica feritate conceptum ad loca maritima transitum fecissetis, tu iamdictis nobilibus positis in gravi necessitate compatiens, pro sustentatione ipsorum de tuis parafernalibus bonis non modieam expendisti pecunie quautitatem; demum vero idem Rex huiusmodi pietatis opus clementer attendens, Castrum de Possega ad eum pertinens in Ducatu Sclavonie constitutum, accedente demum ad id consensu carissimi in Christi filii nostri Stephani Regis Illustris primogeniti, ac nobilis viri Bele Ducis Sclavonie nati tuorum, necnon Prelatorum et Baronum supradicti Regni, tibi Regia liberalitate donavit, prout in patentibus litteris Regis eiusdem confectis exinde plenius dicitur contineri. Quare pro ipsius Regis et tua parte petebatur a nobis, ut donationem huiusmodi non obstantibus constitutionibus contrariis, que inter virum et uxorem donationes fieri prohibent, Apostolico curaremus munimine roborare. Nos itaque considerantes attente ius prohibite donationis huiusmodi non amare, nec tamquam inter infestos forc tractandum, sed tamquam inter maximo coniunctos affectu et solam timentes inopiam, quod profecto ad donatoris et donatarie magnificentiam respectu habito locum sibi non vendicat in hoc casu, donationem ipsam, sicut alias provide facta est, ratam et firmam habentes, eam non obstantibus 63huiusmodi constitutionibus auctoritate Apostolica confirmamus et presentis scripti patrocinio communimus Nulli ergo etc. nostre confirmationis etc. Datum apud Urbem Veterem XII. Kal. Januarii, (Pontificatus nostri) anno tertio.
(IV. Urbán pápa Regestáiból, Theíner id. m. I. k. 254. l.)