033. István ifjabb király, erdélyi vezér és a kunok ura, Inárcsi Tamást, Pált, Fenét és Ombot, kik a várjobbágyok azon osztályából eredtek, mely a főispánnak szállásadással tartozott, azon tekintetből, hogy a tatárok által földult földükön éhségre jutva k

Stephanus Dei gracia junior Rex Hungarie, Dux Transsiluanus, et Dominus Cumanorum omnibus Christi fidelibus presentes litteras inspecturis salutem in omnium Saluatore. Solet Regia Celsitudo sic sibi seruiencium honera subleuare, vt populus sibi seruiens merito et numero pariter augeatur. Proinde ad uniuersorum noticiam harum serie uolumus peruenire, quod accedentes ad nostram presenciam Thomas, Paulus, Feney et Omb de villa Inarch, filij videlicet iobagionum Castri Albensis, qui descensum Comiti suo dare consueuerant, nobis humiliter supplicarunt, vt cunt eisdem per pestem Tartaricam desolatis misericordiam facere dignaremur. Nos igitur ipsorum fidelitates Regia pensantes pietate, ne propter prefatam inediam fugere compellantur, sed in ipsa terra per Tartaros desolata facilius possint commorari, benignitate solita eosdem de huiusmodi statu ipsorum exintentes in numerum et collegium honeatorum iobagionum eiusdem Castri duximus transferendos, ita, ut tam ipsi quam ipsorum heredes, heredumque successores, in numerum et cetum honestorum iobagionum dicti Castri computari, perpetuo debeant gratulari. Et ut eorundem huiusmodi libertas a nobis concessa salua semper et inconcussa permaneat, nec in posterum possit in irritum per quempiam aliquatenus reuocari, presentes eisdem concessimus litteras dupplicis sigilli nostri munimine roboratas. Datum per manus dilecti et fidelis nostri venerabilis patris Smaragdi Archiepiscopi Colociensis Aule nostre Cancellarij, anno Domini millesimo ducentesimo sexagesimo tercio.

(Eredetije bőrhártyán elhalványodott veres selyemről függő kettős pecséttel, melynek alakja kivehetetlen, kiváltságlevél alakban, van Nagy-Kőrösön az Inárcsi Farkas testvérek levéltárában. Szabó Károly.)