Bela Dei gracia Hungarie, Dalmacie, Croacie, Ram Seruie, Gallicie, Lodomerie, Comanieque Rex omnibus tam presentibus quam futuris litteras presentes inspecturis salutem in omnium saluatore. Ad vniuersorum noticiam tenore presencium volumus peruenire, quod nobilis matrona domina,. Piaud, filia Petri, relicta Cozmach filii Gug, una cum filia sua domina Albina ad nostram accedendo presenciam, cum careret solacio liberorum, a nobis instantissime postulauit, puod licenciam sibi daremus, vt quasdam terras suas Tamasy et Peterd nuncupatas, quarum unam videlicet terram Tamasy predictus pater suus in copula matrimoniali sibi contulerat, et aliam, scilicet terram Peterd, que sibi a prememorato marito suo relicta fuerat et possessa per eandem pacifice et quiete, conferre posset et donare Monasterio Beati Martini de Sacro Monte Pannonie pro remedio anime sue et mariti sui memorati ac filij Simonis, qui super dicta terra Peterd miserabiliter extitit interfectus. Verum quia secundum Regni nostri consuetudinem approbatam possessiones sine herede decedencium ad manus nostras de iure debent periinere, nec ipsa matrona de dictis terris quicquam ordinare poterat, nisi ex concessione nostra, quam de huiusmodi factis quibusdam familiaribus et bene meritis facere consueuimus ex gracia speciali, nos cupientes utilitati dicti monasterii Sancti Martini Regia benignitate prouidere ut patronus, licet collacio predictarum terrarum ad nos de iure pertinere debuisset tanquam sine herede decedentis; tamen pium propositum dicte matrone attendentes in hac parte, et ipsam ad explendum seu faciendum propositum suum supradictum in collacione terrarum predictarum permittimus, et eciam nos, ad quem magis collacio ipsarum terrarum consuetudine Regni approbante de iure pertinebat, perpetuo contulimus monasterio supradicto sub eisdem metis et terminis, quibus ipsa matrona supradicta dignoscitur antea tenuisse. In cuius rei memoriam et perpetuam firmitatem presentes litteras dedimus duplicis sigilli nostri munimine roboratas. Datum per manus magistri Farkasij Electi Albensis Ecclesie aule nostre Vice-Cancellarii dilecti et fidelis nostri anno Domini M°CC°LX° secundo, Regni antem nostri anno vicesimo octauo.
(Eredetie a szent-mártoni főapátság levéltárában.)