Capitulum Albensis Ecclesie vniuersis Christi fidelibus presencium inspectoribus salutem in Domino sempiternam. Etsi humanam pietatem salutis desiderio, terroreque extremi iudicii prouocante omnes Ecclesias possessionibus ditare tenerentur vniuersi, illis potissimum elemosinarum largitate adesse debet vnusquisque, ad quos et donacio progenitorum, et recepcio devocionem auget ampliorem commodi temporalis. Ea siquidem consideracione Raad filius Emerici, Cornel filius Luca, et Corlat filius eiusdem de genere Raad coram nobis personaliter constituti proposuerunt, quod cum progenitores ipsorum in perpetuam elemosinam monasterio Beati Martini de Sacro Monte Pannonie excipiendo de quadam possessione sua Tord nuncupata quandum particulam contulissent, et postmodum ipsi Raad, Cornel et Corlat in spiritualibus et eciam temporalibus subsidium eiusdem monasterii suis in necessitatibus senserint vt patroni, adeo vt imminente quodam dehito, Abbas et fratres eiusdem monasterij de pecunia monasterij dicto Raad viginti marcas, Cornelio vero et filio suo predictis sedecim marcas familiariter obtulerint, et in aliis plerisque eis beneficia innumera prestiterint; volentes pro receptis commodis ab ipso monasterio et vtilitatibus, et adhuc in futurum recipiendis merito remuneracionis brauio propensius respondere, totam predictam possessionem Tord metis circumquaque per ambitum uallatam, nihil iuris seu porcionis sibi reseruantes, cum omnibus vtilitatibus suis et pertinenciis, siluis videlicet, terris, fenetis, sitibus curiarum, piscinis et aliis eo omni iure, et sub eisdem metis, quibus ipsi et progenitores ipsorum pacifice possederunt et quiete, partim, vt diximus, pro summa pecunie pretaxata, partim vero pro remedio anime sue et suorum progenitorum contulerunt et donauerunt monasterio Sancti Martini antedicto in perpetuum possidendam. Et ne processu temporis alicui cognatorum predictorum nobilium liceat predictam donacionem et collacionem aliqua occasione pretensa reuocare, sed vt hereditas et dotalicium sepius dicti monasterii permaneat inuiolabili firmitate roborata, ijdem nobiles a nobis instanter pecierunt ipsam donacionem nostro priuilegio confirmari. Quorum nos peticionem iustam et legitimam esse attendentes, in hac parle presentes concessimus litteras nostro sigillo communitas. Anno Domini M°CC° sexagesimo primo, tercio Nonas Frebvarii (igy). Magistro Paulo Ecclesie nostre Electo aule Regie Vice-Cancellario, Gregorio Cantore, Feliciano Custode, Michaele Decano existentibus.
(Eredetie a szent-mártoni főapátság levéltárában.)