Stephanus Dei gracia Rex, primogenitus Illustris Regis Hungarie, Dux Trausilvanus. Ad Regiam pertinet Maiestatem precibus condescendere subditorum, ut numerus fidelium augeatur, et Regalis potencia lacius extendatur, cum Regis proprium sit, in multitudine populi gloriari. Hinc est, quod universorum presencium posterorumque noticie volumns fieri manifestum, quod accedentes ad nostram presenciam hospites de Desvar litteras Erney Bani quondam Transilvanie, super libertate eorundem obtentas nobis exhibuerunt, petentes a nobis suppliciter et deuote; ut ipsam libertatem eisdem nostro priuilegio dignaremur confirmare. Nos siquidem peticionibus eorundem inclinati, et ordinacionem Erney Bani dicti, dilecti. et fidelis nostri inuiolabiliter uolentes observari, duximus annuendum; sed quia series ipsarum literarum erat inutilis, de verbo ad verbum scribi non fecimus; sed sentenciam 6ejusdem duximus inserendam. Quarum quidem sentencia talis est, quod iidem hospites a iurisdiccione Comitum de Zonuk, Curalium Comitum et jobagionum eiusdem castri penitus sint exemti ita, quod ipsos omnino non possint iudicare, sed iudicet eosdem villicus ipsorum, pro tempore constitutus, in causis omnibns inter ipsos exortis, causas autem, quas commode non posset terminare, nostro relinquat judicio decidendas. Similiter eciam causas extraneorum, si ibidem aliquas contingat habere, idem villicus valeat iudicare et non alius. Item iuxta libertatem de Zoloch et Zathmar ad exercitum nostrum uenire, et nobiscum exercituare teneantur. Ut autem hec ipsorum libertas salua semper permaneat et inconcussa, nec imposterum per quempiam ualeat uiolari, presentes nostras eisdem concessimus duplicis sigilli nostri munimine roboratas. Datum per manus magistri Benedicti Prepositi Scibiniensis, aule nostre Vice-Gancellarii, anno Dominice Incarnacionis MCCLX primo.
(Teutseh és Firnhaber Urkundenbuch zur Gesehiehichte Siebenbürgens:. I. k. 72. l.)