197. A székes-fehérvári káptalan bizonyságlevele, hogy a zirczi és a bakonybéli monostorok peres ügyöket barátságos úton kiegyenlitették. 1257.

Capitulum Ecclesie Albensis omnibus Christi fidelibus presentes literas inspecturis salutem in Domino sempiternam. Ad vniuersorum noticiam tenore presencium volumus peruenire, quod cum lis et contencio inter Monasterium Beate Marie Virginis de Scyrch (Zircz) et Monasterium Beati Mauricii de Beel super viginti sex iugeribus terrarum de Keykuffev a parte silue Ecclesie de Scyrch existentis fuisset exorta et diucius hincinde altercata; tandem mediantibus viris probis et idoneis in talem composicionis formam deuenerunt, prout per dilectum socium et concanonicum nostrum magistrum Michaelem ad hoc specialiter de mandato Regio percepimus destinatum: Quod terciam partem terre supradicte Abbas Ecclesie de Scyrch propter bonum pacis reliquisset Ecclesie de Beel pacifice et quiete possidendam; pro residuis autem duabus partibus eiusdem terre Abbas sepedictus Ecclesie de Beel iuxta estimacionem virorum noblium, marcam et octo pondera Ecclesie de Scyrch persoluit coram nobis; ita vt ipsas duas partes eciam eidem Ecclesie de Beel permisit iure perpetuo possidentas. In cuius rei memoriam et perpetuam firmitatem ad peticionem vtriusque partis presentes concessimus litteras sigilli nostri munimine roboratas. Datum anno Domini M°.CC°.L° septimo, quinto Nonas Iulij. Magistro Smaragdo Ecclesie nostre Preposito aule Regie Vice-Cancellario, Gregoris Cantore, Matthia Custode, Ambrosio Decano existentibus.

(Eredetie a szent-mártoni főapátság levéltárában.)