183. IV. Sándor pápa a pannonhalmi apátságban ájtatoskodóknak egy esztendei és negyvennapi bucsut enged. 1256.

Alexander Episcopus seruus seruorum Dei dilectis filiis... Abbati et Conuentui Monasterii Sancti Martini supra Pannoniam ad Romanam Ecclesiam nullo medio pertinentis Ordinis Sancti Benedicti Jauriensis Diocesis salutem et Apostolicam benedictionem. Diuina sapientia rationis sue lege multiplici creature a se condite iure disponens, quemadmodum preminens celum sideribus ornat et subiectam terrarum latitunem vernanti rerum varietate depingit, ita circulares temporum cursus voluit dierum interiectione celebrium variari, ut fidelium deuotio, que in cotidiana iustitie torpescit instantia, dum interposita sanctorum solempnia studet voto reduci celebrare, ipsorum exemplis ad pietatis desideria virescat, et qui corpore peregrinantur, ab illis eternis eorum festinitatibus et gaudiis - - - et morum similitudine gestiant spiritualiter interesse. Ad hoc autem non solum exhortationibus admonendus est Dei populus, verum etiam spiritualium munerum largitionibus inducendus, ut ad spem eternorum saltem 275gustata in hijs aliqua rei dulcedine subleuetur. Cupientes igitur, ut Ecclesia vestra in Beati Martini honorem, ut proponitis, dedicata, conqruis honoribus frequentetur, omnibus vere penitentibus et confessis, qui ecclesiam ipsam in festo eiusdem Sancti, septem diebus sequentibus, et in anniversario dedicationis ipsius Ecclesie annis singulis venerabiliter visitauerint, de Omnipotentis Dei misericordia et Beatorum Petri Pauli Apostolorum eius auctoritate confisi, annum unum et quadraginta dies de iniuneta sibi pentientia misericorditer relaxamus Datum Anagnie VIII. Idus Octobris Pontificatus nostri anno secundo.

(Eredetie a szent-mártoni főapátság levéltárában.)