Innocentius Episcopus seruus seruorum Dei dilectis filiis... Sancti Martini de Monte Pannonie Ordinis Sancti Benedicti et... de Bocon Cisterciensis Ordinis Abbatibus Jauriensis et Vesprimiensis Diocesium salutam Apostolicam et benedictionem. Congruum existimamus et debitum, ut cum de aliis solliciti simus et vigiles, de fratribus nostris Ecclesie Romane Cardinalibus specialius cogitemus, et Apostolicam sollicitudinem, quam una cum ipsis incessanter ad alios exequimur, interdum ad eos pro ipsorum commodo reflectamus, ut nostra et eorum vigilantia, que prodest generaliter ceteris, sit nonnunquam et ipsis fructuosa. Hinc est, quod cum venerabilem fratrem nostrum... Episcopum Penestrinum de Strigoniensi Ecclesia, cui olim prefuisse utiliter ac laudabiliter profuisse dinoscitur, ad Penestriensem duxerimus transferendum; nos uolentes inter ipsum Episcopum, et eandem Strigoniensem Ecclesiam mutue caritatis vinculum remanere, prouidimus et ipsam sibi ad certos redditus de bonorum suorum copia, et eundem Episcopum illi ad opportuni fauoris patrocinium pariter obligare, ut utroque vicissim ab altero recipiente subsidium, firma et indiuidua inter ipsos dilectio perseueret. Apostolica itaque auctoritate persone ipsius Episcopi trecentas marcas argenti puri et fini ad pondus Ungarie de proventibus et redditibus Archiepiscopalibus eiusdem Strigoniensis Ecclesie de fratrum nostrorum consilio concessimus percipiendas ab ipso integre annuatim: statuentes eadem auctoritate ac precipientes districte, ut Archiepiscopus Strigoniensis, qui pro tempore fuerit, quem quidem ad hoc teneri omnino uolumus, trecentas marcas de redditibus et prouentibus ipsis sibi vel procuratori suo, seu nuncio suo, quem propter hoc specialiter distinauerit, annis singulis in festo Omnium Sanctorum apud Venetias sine diminutione qualibet, 250remota omni difficultate persoluat. Et si in eisdem festo et loco, uel post infra duos, ex tunc interdicti, et si forte infra duos alios subsequentes menses huiusmodi marcarum quantitatem sibi vel procuratori, seu nuntio suo non soluerit, suspensionis incurrat sententias eo ipso, non obstante, si eidem Archiepiscopo a Sede Apostolica sit indultum, vel indulgeri contingat, quod per litteras Sedis ipsius interdici nequeat ves suspendi, nisi in iisdem litteris de indulto huiusmodi plena et expressa mentio habeatur. Cum igitur venerabilem fratrem nostrum ... Stigoniensem Archiepiscopum monendum duxerimus attentius et rogandum, nostris sibi dantes litteris in mandatis, ut huiusmodi pecunie summam annuatim in festo et loco prefixis sivi vel procuratori seu nuntio suo integre solvere sublata qualibet difficultate procuret, ita quod predictas sententias ipsum incurrere non contingat; nosque deuotionem suam dignis exinde possimus in Domino laudibus merito commendare, discretioni vestre per Apostolica scripta in uirtute obedientie districte precipiendo mandamus, quateuus vos uel alter uestrum litteras ipsas, quas super hoc eidem Archiepiscopo destinamus, sibi assignare cum cautela et diligentia studeatis. Rescripturi nobis quidquid super hoc duxeritis faciendum. Datum Laterani kalendis Aprilis Pontificatus nostri anno undecimo.

(Eredetie a szent-mártoni főapátság levéltárában.)