161. A hanti káptalan bizonyságlevele, hogy Háb grófnak özvegye Paznanban lévő birtokát a pannonhalmi apátságra ruházta. 1263.

Capitulum Ecclesie Hantensis vniuersis tam presentibus quam futuris presens scriptum inspecturis salutem in omnium Saluatore. Ad uniuersorum noticiam pervenire volumus presencium per tenorem, quod relicta Comitis Hab in nostri personaliter presencia constituta confessa est viva voce, quod cum terram suam de Paznan, quam pro dote sue ab Andrea de Vigman, Nicolao filio suo, et Mykone filio Myke abuerat, Rose dilecte filie sue pro multiplicibus pietatibus et dileccionibus filialiter sibi exibitis, cum quatuor vineis ibidem in Paznan. Sukuro constitutis, servis, libertinis, ancillis, ac aliis utilitatibus (dedisset); prount in literis Capituli Jauriensis plenius continetur; et postmodum ipsa domina Rosa, laborans in extremis, in presencia fratrum Sancti Martini de Sacro Monte Pannonie, qui per eandem vocati advenerant, secundum quod in litteris seriatim Conventus eiusdem cognovimus, iterum ad manus domine matris sue possessionem supradictam cum eisdem utilitatibus, quibus sibi collata fuerat, reliquisset possidendam; eandem terram cum quatuor vineis antedictis Ecclesie Sancti 246Martini sine aliqua contradiccione pleno iure pacifice contulit possidendam; ita quod domina usque ad vitam suam fructus ipsius terre et vinearum libere et secure nemine prepediente percipiendi habebit facultatem. Ne igitur prefate disposicionis confirmacio coram nobis ordinata per quemquam ullo unquam tempore infringatur, presentes ad peticionem iam dicte domine concessimus literas sigilli nostri munimine roboratas. Datum anno Domini M. CC. LIII. Yacinto Preposito; Ipolito Cantore, Farkasio Lectore existentibus.

(Eredetie a szent-mártoni főapátság levéltárában.)