Innocentius Episcopus etc. venerabilibus fratribus... Archiepiscopo Colocensi,... Ultrasilvani, et... Cenadiensi Episcopis, salutem etc. Ex parte venerabilis fratris nostri... Episcopi et dilecti filii... Prepositi et Capituli cathedralis Ecclesie de Ku fuit nobis humiliter supplicatu, ut cum ipsi destructis penitus partibus illis per Tartaros, non habeant locum ubi necessitatis tempore valeant se tueri, tuque, frater Archiepiscope, habeas in eorum Diocesi Sancti Gregorii et Sancti Demetrii monasteria Ordinis Sancti Benedicti, ad castra in eis constuenda idonea, transferendi ad alterum monasterium ipsorum Episcopalem Sedem cum omnibus libertatibus et immunitatibus suis licentiam concedere curaremus, mandamus, quatenus, an hoc expediat, inquiratis diligentius veritatem, nobis, quod inveneritis, fideliter rescripturi. Datum Lugduni XIIII. kal. Octobris (Pontificatus nostri) anno V.

(IV. Incze pápa Regestáiból Theiner id. m. I. k. 205. l.)