Innocentius Episcopus seruus seruorum Dei karissimo in Christo filio... Illustri Regi Ungarie salutem et Apostolicam benedictionem. Dilecti filii... Abbas et Conuentus Monasterii Sancti Martini de Pannonia sua nobis petitione monstrarunt, quod tu eis quasdam villas, uidelicet Billam, Gunyu et Vdorch, quas clare memorie A(ndreas) pater tuus in dedicatione Ecclesie dicti Monasterii eis contulit, et decimas ad ipsum monasterium pertinentes contra iustitiam abstulisti et ipsis restituere contradicis. Cum igitur Serenitatem Regiam deceat religiosos viros diligere, ac eos in suo iure fovere, Celsitudinem tuam admonemus, rogamus et hortamur amice, quatenus si est ita, predictas villas et decimas ob reverentiam Apostilice Sedis et nostram, Abbati et Conventui restituas memoratis, ita quod exinde Deum merearis habere propitium, nosque devotionem tuam dignis ni Domino laudibus commendemus. Datum Lugduni XIII. kalendas Januarii Pontificatus nostri anno secundo.

(Eredetie a szent-mártoni főapátság levéltárában.)