086. IV. Béla királynak Jadra dalmatiai város jogairól és kötelességeiről kiadott privilegiuma. 1242.

In nomine Patris et Filii et Spiritus Sancti Amen. Bela Dei gracia Rex Ungarie, Dalmatie, Chroatie etc. uniuersis litteras presentes inspecturis salutem in Domino. Presentium tenore volumus fieri omnibus manifestum, quod cives Jadrenses ad nos communi proposito venientes promisserunt, quod secundum privilegia a predecessoribus nostris eisdem concessa nobis fidelitatem debitam observarent. Quorum votis benigno occurrentes assensu habito diligenti nostrorum Principum consilio decrevimus promittendum et promissum observandum, quod conventionem, quam carissimus frater noster felicis memorie Rex Colomanus cum eisdem maturius ordinaverat, ratam haberemus et firmam, et effectui sepius per eosdem postulatam faceremus mancipari. Cujus conventionis serie continetur: Quod mediante fideli nostro homine secundum consilium proborum hominum in Jadra existentium tantam summam pecunie, qua destructio muri vel ruina ex parte maris ad nostrum commodum et honorem valeat reparari, dare tenemur; et insuper terram jacentem a Nedijri usque Reguna, preter illam quam modo possident; item superius usque ad Martindam in mare, preter terram pertinentem ad Comitatum None, et terram Jubil, que est Hospitaliorum, quas eisdem non contulimus. Predicti vero Jadrenses debebunt nobis et successoribus nostris servitia Camere Regie communiter exhibere, secundum quod avo nostro inclite 144recordationis Bele Regi servitja et fidelitatem servarunt, salva libertate, quam ab eodem Bela habuerunt. Ut igitur dicte rei series inconcussa permaneat, litteras nostras eisdem concessimus auree bulle nostre impressione roboratas. Datum in Clitia per manus venerabilis patris Stephani Vaciensis Episcopi, eodem Vaciense in Archiepiscopum Strigoniensem, Benedicto Albensi Preposito in Archiepiscopum Colocensem postulatis. Reverendo Bartholomeo Quinqueecclesiensi, et Bartholomeo Vesprimiensi, Stephano Zagrabiensi Episcopis et aliis Ecclesias Dei feliciter gubernantibus. Arnaldo Palatino et Comite Simigiensi, Dionisio Bano, Laurentio Voyvoda, Matheo Tavarnicorum nostrorum, Raylando Dapiferorum nostrorum Magistris existentibus et aliis Magistratuum et Comitatuum Regni nostri tenentibus; anno ab Incarnatione Domini 1242, Regni autem nostri anno septimo.

Jegyzet.A „Libri pactorum” czímű velenczei statuskönyvből I. köt. 174. 1.; hol ezen okmányról még a következőket olvassuk: „In membrana, bulla aurea rotunda pendens ex zona sericea; in facie ejus ab uno latere Rex in throno sedens tenens in dextra formam lilii, in sinistra formam crucis, circum se in circulo: † Bela Dei gratia Hungarie, Dalmatie, Chroatie, Rame, Servie, Lodomerie, Cumanie Rex -; in alia facie sculpta erat in medi figura unius vexilli relevati, in quo erat una crux longa habens per transversum duas lineas, et in circulo litteras talis tenoris: † Sigillum quarti Belae secundi Andreae Regis filii.” V. ö. Fejért Cod. Dipl. VII. köt. 4. r. 91. l.