Dionysius Dei gracia Comes Palatinus omnibus presens scriptum inspecturis salutem et omne bonum. Nouerint uniuersi, quod, dum de mandato domini Regis omnes terras Byssenorum alienatas reuocaremus, inter cetera pro quadam terra nomine Legentoru circa Galus conuentum Sancte Crucis de Austria, quem indebite possedisse credebamus, citari per Bec (így) iussimus, qui coram nobis assistentes super predictam terram priuilegium Regis et litteras precedentium iudicum nobis presentauerit. Nos uero intuentes ipsos iuste posedisse, et Rege referente nobis, quod pro sepedicta terra Byssenis aliam terram dedisset, confirmauimus predicte Ecclesie possidere perpetualiter, et nos ipsis Byssenis terram, quam dominus Rex eis contulit in concambio, litteris nostris cum sigilli nostri munimine in perpetuum roborauimus.

(Az eredeti után Weis, Urkunden des Cistercienser-Stiftes Heiligen Kreutz, I. k. 104. l.)