Gregorius Episcopus etc. carissimo in Christo filio... Illustri Regi Ungarie salutem etc. Cum sicut nobis tuis litteris intimasti, ad commonicionem nostram Divinitus inspiratus in tui obsequium creatoris, non solum bona, sed etiam personam tuam devotus exponas, propter quod Celsitudinem Regiam dignis in Domino laudibus commendamus ac prosequimur actionibus gratiarum, tuis devotis petitionibus favorabiliter annuentes, Bulgarie Regnum alicui concedere non intendimus in tuum preiudicium occupandum, qui ad profestum et exaltationem tuam, quantum cum Deo possumus, modis omnibus aspiramus. Datum Anagnie V. Idus Augusti, (Pontificatus nostri) anno duodecimo.

(IX. Gergely pápa Regestáiból Theiner id. m. I. k. 166. l.)