Capitulum Wesprimiensis Ecclesie etc. quod relicta clerici Blasii filii Mykxe Wesprimiensis et filius eiusdem clerici B. nomine Anton de consensu magistri Petri filii Sabini Archidiaconi Kamanchiensis cognati sui vendiderunt locum curie, quem habebant iuxta campum Sancti Thome prope ortum suum fructiferum magistro Fawo Archidiacono Wesprimiensi pro tribus marcis argenti minus vno fertone; cuius pecunie solucio facta est coram nobis et iobagionibus castri Wesprimiensis, videlicet Solis, Galli, Alexi, Zobov biloti, Phynoch clerici, Bense clerici et aliorum multorum, quorum nomina non erat necesse redigi in scripto. Quam pecuniam dicta domina et filius eiusdem se plene recepisse sunt confessi etc. Datum Wesprimii per magistri Johannis Lectoris anno Domini M°CC°XXX° septimo.

(A székes-fehérvári káptalan „1320 tertio nonas Augusti” kelt átiratából, mely a veszprémi káptalan levéltárában őriztetik.)