Capitulum Geuriensis Ecclesie omnibus presentes litleras inspecturis salutem in Domino. Vniversorum noticie duximus declarandum, quod Nicholaus filius Zothmár ad nostram accedens presenciam, mediam partem proprie terre sue, scilicet ad duo aratra sufficientem, sicut ipso attestante et ex tenore literarum Oslonis et Thome, ac Nicholay Comitum, et Petry filij Petri Comitis agnovimus, proprie terre sue, et ab omnibus cognatis suis separate, in minorj Surna existenti, similiter de feneto, et de pratis, coram nobis contulit Ecclesie sue de Surna libere et secure perpetuo possidendam. Item in villa Movrouch dedit eidem Ecclesie unam mansionem cum omnibus prtinentijs suis. Et ut temeraria presumpcio posterorum pie donacioni memorati Nicholay obviare non valeat, presentem cartam seriem geste rey continentem, inpressione sigilli nostri roboratam, fratribus de Surna concessimus. Datum anno ab Incarnacione Domini millesimo ducentesimo tricesime septimo.

Jegyzet. E bőrhártyán kelt Meskó nemzetség metszett levelének hátirata ez: „Donacio Nycolay fily Zothmar in minori Corna existentis.” Másolta Horvát István. E Miklósnak a győri káptalan előtt kelt végrendelete Fejérnél: Cod. Dipl. IV. k. 1. r. 77. 1. olvasható. Érdy.