Gregorius Episcopus etc. venerabilibus fratribus... Archiepiscopo Colocensi eiusque suffraganeis salutem etc. Creditam nobis sollicitudinem super amplianda gloria Catholice fidei et roborando statu populi Christiani prosequi studio efficaciori non possumus, quam quod subsidia devotorum Ecclesie ad hoc oportunis temporibus assumamus. Cum itaque venerabiles fratres nostros... Perusinum et I. quondam Bosnensem Episcopos, viros utique scientia et honestate conspicuos, quos Deo dilectos, et acceptos nobis ac fratribus nostris pie vite studiis et titulo multimode probitatis ad partes Ungarie destinemus, sperantes, quod per eorum industriam virtutis vestre accedente suffragio necessitatibus Imperii Romanie optatum subsidium producatur, universitatem vestram rogamus et obsecramus in Domino Jesu Christo, in remissionem vobis peccaminum iniungentes, quatenus eosdem Episcopos, imo personam nostram in ipsis admittentes hilariter et condigna honoris plenitudine prosequentes, eis in eiusdem favorem negotii omne quod potestis consilium et auxilium prebeatis sollicite, sicut retributionem perpetuam et Sedis Apostolice diligitis gratiam, provisuri, ut eidem Imperio pluribus angustiis quam libeat explicari litteris, fatigato de bonis vobis a Deo collatis, quod potestis subsidium adhibentes, singuli vestrum in suis Diocesibus fideles regimini vestro commissos, ad subveniendum eidem piis monitis secundum datam vobis a Deo prudentiam efficaciter inducatis, pro firmo tenentes, quod tanto gracius patris eterni filio in hoc prestatis obsequium, quanto ad ipsius hereditatem de infidelium manibus eruendam memoratum Imperium fore dinoscitur oportunum. In hoc itaque virtus vestra sic se vigilem exhibeat et efficacem exponat, ut tante percepto cum rumore leticie vos in hiis iuxta nostrum desiderium profecisse vobis et ecclesiarum 64vestrarum augendis commodis et procurandis honoribus obligemur. Et ne forte facultas consequendi, quod petitur, deesse, vobis in aliquo videatur, fideles Diocesum earundem in succursum eiusdem Imperii processuors, nec non eorum familiam et bona omnia, donec de ipsorum reditu vel obitu certissime cognoscatur, sub protectione ac defensione Sedis Apostolice admittentes, illis, qui iuxta facultatem et qualitatem suam illuc bellatores idoneos in expensis propriis duxerint destinandos, nec non illis, qui ad subventionem fidelium partium earundem de bonis propriis congrue ministrarint, iuxta quantitatem subsidii et devotionis affectum illam indulgentiam, idemque privilegium elargimur, que transeuntibus et subvenitetibus in terre Sancte subsidium conceduntur. Quid ultra? ut sepedictum negotium, quo pluribus contingit iuvari remediis, promotionis optate suscipiat incrementum, presentium vobis auctoritate concedimus, quod pauperum et debilium cruce signatorum Diocesium earundem, cum quibus uximus dispensandum, vota peregrinationis in succursum ejusdem Imperii commutantes, illis qui ad vestram solempnem predicacionem accesserint, viginti dies de injuncta penitentia relaxare, ac eorum singulis illuc suscepto propter hoc crucis signaculo processuris, qui pro incendiis et iniectione manuum in clericos vel alias religiosas personas excommunicationis laqueum incurrerunt, impertiri iuxta formam Ecclesie absolationis beneficium valeatis; proviso ut passis dampna et iniurias satisfaciant competenter, illis duntaxat exceptis, quorum excessus adeo sunt difficiles et enormes, quod merito sunt ad Sedem Apostolicam destinandi. Ceterum quod per dictos Episcopos vel eorum alterum super premissis omnibus contigerit procurari, robur habere volumus firmitatis. Datum Viterbii kal. Junii, (Pontificatus nostri) anno undecimo.

(IX. Gergely pápa Regestáiból Theiner id. m. I. köt. 156. l. V. ö. ezen pápának levelét IV. Béla királyhoz Fejérnél Cod. Dipl. IV. köt. l. r. 88. l.)