Gregorius Episcopus etc. venerabili fratri... Episcopo Vesprimiensi, dilectis filiis... Abbati de Bocham Cisterciensis Ordinis Vesprimiensis Diocesis, et fratri R. Priori Provinciali Hospitalis Jerosolimitani in Ungaria salutem etc. Presentium vobis auctoritate mandamus, quatenus cum venerabilis frater noster... Penestrinus Episcopus per litteras suas vobis iniunxerit, ut Michaelem latorem presentium ad Albensem Preposituram, et ad ea que sunt Prepositure annexa, restituere procuretis, id exequi sine more dispendio studeatis, non obstante, quod Albensi Capitulo olim per litteras nostras iniunximus, ut eidem non intenderent, quousque mandatum a nobis reciperent speciale. Contradictores etc. Quod si non omnes etc. Datum viterbii XIII. kal. Junii, (Pontificatus nostri) anno undecimo.

(IX. Gergely pápa Regestáiból Theiner id. m. I. k. 154. l.)