Gregorius Episcopus etc. venerabili fratri.....Episcopo Cumanorum, et dilectis filiis.... de Bethleem Ultrasilvane Diocesis et.... Cenadiensi Prepositis, salutem etc. In presentia venerabilis fratris nostri Prenestrini Episcopi, dum in partibus Ungarie legationis officio fungeretur, venerabili fratre nostro.... Episcopo Ultrasilvano contra Leonem de Dubucha, Gotfridum de Aqua calida, Nicolaum de Cormosbach, Conradum de Venetiis, Bernardum de Debran, Hermanum et Gerlacum sacerdotes de Sarcam Ultrasilvane Diocesis, ut idem Episcopus asserebat, deponente super obedientia et reverentia questionem, ad quas sibi prestandas eos condempnari petabat petitorium intentando, et lite super hiis coram eo legitime contestata et receptis testibus hinc inde productis, idem Legatus antequam imponeret finem negotio, ad Sedem Apostolicam est reversus. Procuratoribus igitur partium propter hoc in nostra presentia constitutis, eundem Prenestrinum dedimus auditorem. Idem autem partium rationibus intellectis et aditis, que voluere proponere coram ipso, predictos sacerdotes eidem Episcopo in predictis per diffinitivam sententiam 29condempnavit: a qua cum ex parte venerabilis fratris nostri.... Archiepiscopi Strigoniensis fuisset ad nostram audientiam appellatum, nos magistro Albeo suo, et I. Archidiacono de Tilled partis alterius procuratoribus apud Sedem Apostolicam constitutis, dilectum filium nostrum O. Sancti Nicolai in Carcere Tulliano Diaconum Cardinalem auditorem duximus concedendum; coram quo magister proposuit memoratus, premissam sententiam in grave ipsius Archiepiscopi et Ecclesie sue preiudicium esse latam, cum iidem sacerdotes sibi et eidem Ecclesie iure Diocesano nullo medio sint subjecti, ac in eorum possessione vel quasi subiectionis iidem Archiepiscopus et Ecclesia existere dinoscantur, quare dicebat executionem ipsius sententie fieri non debere, cum per eam ius eiusdem Ecclesie non modicum ledetur; procuratore partis alterius id negante. Lite vero coram Cardinali predicto super premissis legitime contestata, factisque quibusdam positionibus et responsionibus ad easdem, ac nobis per eundem prudenter et fideliter recitatis, nos libellum cum ipsis positionibus et responsionibus vobis sub bulla nostra transmittentes inclusum, discretioni vestre per Apostolica scripta mandamus, quatenus premissa controversia et receptis probationibus, quas partes voluerint producere coram vobis, tam super principali quam super reprobatione testium, si quos alterutra partium legitime duxerit reprobandos, et auditis hinc inde propositis, causam, si de partium voluntate processerit, fine canonico terminetis, facientes, quod statueritis, auctoritate nostra firmiter observari: alioquin causam ipsam sufficienter instructam ad Sedem Apostolicam remittatis, prefigentes eisdem partibus terminum peremptorium, festum videlicet Beati Michaelis proximo venturum, quo per se vel procuratores idoneos cum munimentis et aliis rationibus suis compareant coram nobis, iustam auctore Domino sententiam recepture. Testes etc. Quod si non omnes etc. Datum Viterbii Idibus Novembris (Pontificatus nostri) anno nono.
(IX. Gergely pápa Regestáiból, Theiner id m. I. köt. 139. l.)