Gregorius Episcopus etc. venerabili fratri... Archiepiscopo Colocensisalutem etc. Cum inferior potiorem solvere nequeat vel ligare, sed potiorinferiorem liget regulariter et absolvat, et satis indignum et absonumvideatur, ut maior subditus sit minori, et filius potestatem habeat inparentem: miramur non modicum et movemur, quod cum tu monasterium de Cuher (Kőér) tue DiocesisEcclesiam erexeris Cathedralem, venerabilem fratrem nostrum SirmiensemEpiscopum ad titulum ipsus Ecclesie in Episcopum consecrando, ... ArchidiaconusSirmiensis in tantam prorumpit temeritatis audaciam, ut in eundem Episcopum etEcclesiam suam iurisdictionem exercere presumat: quare idem Episcopus nobishumiliter supplicavit, ut cum eodem Archidiacono in ipsum et dictam Ecclesiamiurisdictionem huiusmodi exercente, ipse in eadem Ecclesia Episcopus quodammodonon existat, providere sibi super hoc salubriter dignaremur. Nos igitur eisdemEpiscopo et Ecclesie paterno compatientes affectu, ipsos cum omnibus iuribus etpertinentiis eorundem a iurisdictione ipsus Archidiaconi penitus eximentes,mandamus, quatenus prefato Archidiaconi, ne in eos iurisdictionem aliquam decetero exercere presumat, ex parte nostra districte studeas inhibere; provisoprudenter, ut si ex hoc Archidiaconatus Sirmiensis iura leduntur in Diocesitua, ubi expedire videris, absque iuris aliendi preiudicio recompensationemilli facias congruentem. Contradictores etc. Datum Reate XIII. kal. Aprilis(Pontificatus nostri) anno quinto.

(IX.Gergely pápa Registáiból, Theiner id. m. I. köt. 103. l.)